Ğiraq xökümäte AQŞnıñ Ğiraqtağı Äbü Ğraib törmäsendä totqınnarnı azaplawlarnı kürsätüçe yaña sürätlärgä açu belderde, şul uq waqıtta ğäyeplelär inde cawapqa tartıldı dip belderde. Premyer ministr İbrahim äl Cäğfäri idaräse belderüendä Ğiraq xökümäte mondıy ğämällärneñ qabatlanuına yul quymas öçen üz östenä cawaplılıq ala dielä.
2003-nçe yılda töşerelgän bu sürätlär kiçä berençe märtäbä Awstraliä televideniesendä kürsätelde. AQŞ alarda sürätlängännärne xökem itep çıqtı. AQŞnıñ xökem itüenä Ğiraq xökümäte xuplaw belderde.
Belderüdä iseme äytelmägän räsmineñ bu sürätlär qayber keşelärneñ cawapqa tartıluına kitergän başqa sürätlär belän bergä buluı turında äytkän süzläre kiterelä.
