Accessibility links

җомга, 9 декабрь 2016, Казан вакыты 14:48

Başqortstan wäkillege Qazaxstanda säfärdä


Başqortstan respublikası räsmi wäkillege atnakiç könne Qazaxstanğa eş säfärenä kitkän ide. Başqortstan premyer-ministrı urınbasarı, BR iqtisadi üseş häm sänägät ministrı Nikolay Puçnin citäkçelegendäge bu wäkillek comğa könne dä Astanada üzeneñ säfäre programması qısalarındağı çaralarda qatnaştı. Başqortstan wäkillege eçenä qayber ministrlıqlar citäkçeläre, rayonnar häm şähärlär xaqimiätläre başlıqları belän bergä zur şirkätlär citäkçeläre häm kiñ eşquarlar da kergän ide. İke respublika arasında üzara faydalı iqtisadi bäyläneşlärne arttıru maqsatın quyğan bu säfär barışında yaqlar baytaq qına oçraşular häm söyläşülär ütkärde, qayber täğayın kileşülär tözü öçen niätläre belän urtaqlaştı. Säfärneñ töp möhim çarası berençe könne ük ütte. Astanada “Başqortstan Respublikası sänäğäte könnäre” dip isemlängän maxsuslaştırılğan sänägät kürgäzmäse açıldı. Andağı şähär Kongress-xoll binasında Başqortsannıñ illedän artıq şirkäte tawarları urın aldı. Kürgäzmä açu tantanasınnan soñ, ike respublikanıñ eşlekle dairäläre üzara alış-bireşlär xaqında söyläşülär ütkärde. Başqortstan xökümäte matbuğat üzäge xäbärenä kürä, respublika räsmi wäkillege comğa könne Qazaxstan respublikasınıñ berniçä ministrlığında oçraşular ütkärgän häm Astana şähäre xaqimiätendä, şulay uq Başqortstannıñ Qazaxstandağı wäkilçelegendä bulğan. Şulay itep kiläçäkkä ike yaqlı xezmättäşlekne kiñäytügä etärgeç biräçäk bu säfär comğa kiçen tämamlandı.

XS
SM
MD
LG