Accessibility links

якшәмбе, 11 декабрь 2016, Казан вакыты 11:07

Başqort telen uqıtu qarşılıqqa oçrarğa mömkin


Uzğan programmabızda xäbär itelüençä, Ufa şähärendäge barlıq 160 mäktäptä dä yaña uqu yılınnan här millät balalarına başqort telen öyrätü başlanaçaq. Bu xaqta Ufa şähäre xaqimiäte başlığı urınbasarı Sıntimer Bayazıytov çärşämbe könne uzdırğan matbuğat oçraşuında xäbär itte. Elegräk tä xäbär itelüençä, bıltır noyäbr ayındağı färmanı belän Başqortstan mäğärif ministrı Zöhrä Räxmätullina da böten Başqortstan mäktäplärendä başqort bulmağan başqa millät balalarına da başqort tele öyrätä başlawnı räsmi nığıtıp quyğan ide. İnde menä bu färmannıñ şuşı yıldan Ufada çınlap ta tormışqa aşırıla başlayaçağı xaqında kisterep äytelde. Başqortstannıñ Mäğärif turındağı qanunına respublika parlamentı tarafınnan uzğan yılda tözätmälär kertelep, anda başqort telen mäcbüri uqıtu xaqında süzlär yazılğaç, bu ğämälgä respublikada yäşäwçelärneñ rizasızlığı sizelä başlağan ide. Ufada ütkän törle mitinglarda häm piketlarda da açıq kürende. Ayıruça tatar milli oyışmaları wäkilläre üz möräcägätlärendä häm belderülärendä bu eşneñ döres bulmawın assızıqladı. “Başqort telen añlaw öçen tatarğa başqort telen maxsus öyränü kiräkmi, ä başqa millätlär balaları başqort telen öyränäse kilä ikän, bu eş tä alarnıñ teläge buyınça ğına eşlänergä tieş”. Şulay dip isäpli Başqortstandağı yegermegä yaqın oyışmanı berläşterüçe Tatar cämägätçelek oyışmaları berlege wäkilläre. Ämma bu fiker belän respublikadağı qayber tatar ğälimnäre kileşep betmi. Küp yıllar Başqortstan däwlät universitetınıñ tatar tele bülegendä möğallim bulıp eşlägän tanılğan ğälim Äxät ağa Niğmätullin da şular isäbennän. “Başqort telen başqa millät balalarına da öyrätü omtılışınnan faciğa yasarğa kiräkmi, - di Äxät ağa. – Atnağa ike säğät başqort telen öyränüdän dönya cimerelmi. Älege mäsälädä tatar milli oyışmalarınıñ da, ruslarnıñ da kisken mönäsäbättä toruı añlaşılmıy”. “Başqort telen uqıtu tatar tele däreslären beterü isäbenä bulmasa, nigä moñardan qurqırğa häm aña qarşı kilergä”, - di Äxät ağa. Bu mäsälädä anıñ belän Başqortstandağı qayber başqa tatar ğälimnäre kileşmäskä dä mömkin, älbättä. Häm, ğomumän, äle bu mäsäläneñ kiläçäktä dä şaqtıy nıqlı qarşılıqqa oçrawı bar. Monısı inde yaña uqu yılı başlanğaç açığraq kürener.

XS
SM
MD
LG