Accessibility links

дүшәмбе, 5 декабрь 2016, Казан вакыты 15:33

Çiklärne Tanımawçı Xäbärçelär İran jurnalistı yazmışı öçen borçıla


Çiklärne tanımawçı xäbärçelär dip atalğan matbuğat xoquqın yaqlawçı oyışma törmägä yabılğan İran jurnalistı yazmışı öçen borçılu belderde. İran xakimiätlär Elhan Afrutan isemle xatın-qız jurnalistnı 23-nçe ğinwarda Bandari Abbas şähärendä qulğa aldı. Oyışma Azatlıq radiosına Afrutannıñ törmädä intixar itü omtılışınnan soñ komada buluı turında xäbär bar dide. Çiklärne tanımawçı xäbärçelär wäkile Riza Moini äytüençä, alar Afrutannıñ xäle turında mäğlümät birüne sorap Tähranğa şaltıratqan.

"Bez çınnan da borçılabız. Çönki 23-nçı ğinwarda Afrutan qulğa alınğannan birle bügenge köngäçä anıñ turında mäğlümät bulmadı. Bezdä barı tik anıñ üz-üzen üterergä mataşuı turında xäbär genä bar. Şuña kürä bez belderü belän çıqtıq häm İslam respublikası räsmilärenä anıñ xäle turında añlatma birüne sorap şaltırattıq" dide Moini. Afrutan häm anıñ belän ber ük gazetta eşlägän 6 jurnalist İslam Respublikasına nigez salğan Ayatulla Xömäynine mısqıllawda ğäyeplänep qulğa alındı.

XS
SM
MD
LG