Accessibility links

пәнҗешәмбе, 8 декабрь 2016, Казан вакыты 10:58

Sergey İvanov Gruziä parlamentın provokatsiädä ğäyepli


Rusiä saqlanu ministrı Sergey İvanov Tiflisne Könyaq Osetiädäge Rusiä tınıçlıq saqçılarına qarşı provokatsiälär oyıştıruda ğäyepläde. Çärşämbe könne Gruziä parlamentı Rusiä tınıçlıq saqçıların Könyaq Osetiädän çığarırğa çaqırıp tawış birgän ide. Tiflis Rusiäne Gruziädän ayırılırğa teläwçe separatistlar yağına basuda ğäyepli. İvanov Tiflisne Könyaq Osetiädä tınıçlıq saqçıların beterergä mataşuda ğäyepläde. Gruziä premyer ministrı Zurab Nogaideli tınıçlıq saqçıların çığaru üzmaqsat tügel dide häm xökümät bu nizağnı tınıç yul belän çişäçäk dip ışandırdı. Ul şulay uq Rusiäneñ Gruziä qararın bozıp kürsätüe kierenkelekne arttırdı dide. Bügen Rusiä Duması Gruziä parlamentınıñ qararı Könyaq Osetiädä wäzğiätne nıq totrıqsızlandıra ala dip bertawıştan aña qarşı rezolütsiä çığardı. Bügen Gruziä tışqı eşlär ministrlığı kiläçäktä Rusiä tınıçlıq saqçılarına Gruziägä kerü öçen viza kiräk bulaçaq dide.

XS
SM
MD
LG