Accessibility links

якшәмбе, 4 декабрь 2016, Казан вакыты 13:14

Libyada qarşılıq çarasında 10 keşe häläk buldı


Libiyanıñ Benğazi şähärendä İtalyan konsullığında Möxämmät päyğämbär räseme töşerelgän külmäk kiyep kierenkelek tudıruda ğäyeplängän İtaliäneñ reformalar ministrı Roberto Calderolli bügen wazifasınnan kitte. Cäncal comğa könne qabınıp kitte. Moña protest belderüçelär uram cıyınnarı oyıştırdı, köç qullanuda kimendä 10 keşe häläk buldı. Kiçä Libya televideniäse xäbärçese bu waqiğa turında menä niçek xäbär itte:

"Polisiä qarşılıq belderüçelär häm İtalyan konsullığı arasına bastı. Polisiä uram cıyınında qatnaşuçılar belän köräşte, ämma barıber alarnıñ qayberläre binağa yaqınlaştı. Alar qayber äyberlärgä häm maşinalarğa ut törtte."

Tripolida Libya kongressı uram cıyınnarı mäsäläsendä eçke eşlär ministrı Nasr al-Mabruknı cawaplılıqqa tarttı. Deputatlar, polisiäne xalıqqa qarşı köç qullanuda ğäyepli. Könçığış Paqstandağı Multan şähärendä iminlek köçläre karrikaturlarğa qarşı çıqqan xalıq kibetlärgä ut törtä başlağaç, ata başladı, anda 4 keşe yaralanğan. Uzğan atnada mondıy protest çaralarında kimendä 5 keşe häläk buldı. Londonda bügen karrikaturlarğa qarşı tınıç uram cıyınında 10 meñgä yaqın keşe qatnaştı.

XS
SM
MD
LG