Accessibility links

пәнҗешәмбе, 8 декабрь 2016, Казан вакыты 21:25

Tähran, Mısır qoş kizüe oçraqların rasladı


Gilan vilayätendä üle kileş tabılğan 135 aqqoşta qoş kizüeneñ H5N1 virusı bulğanı raslandı. Bu äle İranda berençe qoş kizüe oçraşı bulıp tora. Bügen bu xaqta İrannıñ baş veterinarı Hossein Hassani belderü yasadı. Qoş kizüeneñ berençe oçrağı bügen şulay uq Hindstanda terkälde. Könbatıştağı Maharaşta ştatınıñ awıl xucalığı räsmie Anees Ahmäd, soñğı könnärdä töbäktä 50 meñgä yaqın qoş ülde, säbäbe – qoş kizüe, dip belderde. İndonesiä, 10 fivral könne ülgän 23 yäşlek ir keşedä qoş kizüe bulğanı Quşma Ştatlardağı tikşerü üzägendä raslandı, dip xäbär itte. Fransiäneñ könçığışındağı Ain töbägendä üle ber qırğıy ürdäk tabılğannan soñ, sälämätlek saqlaw räsmiläre aşığıç räweştä çaralar kürä başladı. Awıl xucalığı ministrı Dominique Bussereau kiçä, böten qoşlar tikşereläçäk, dip belderde:

"Qoş tabılğan urınnan bez 3 çaqrımnı bülep alıp şul cirne yabıp quydıq, anda ber keşe dä kerä almıy, 10 çaqrımlıq cir tikşerelä. Veterinarlar şul zonadağı böten qoşlarnı tikşeräçäk."

Berençe qoş kizüe oçrağın comğa könne Mısır da terkäde.

XS
SM
MD
LG