Accessibility links

Кайнар хәбәр

İzrael xökümäte fälästinnärgä yaña çikläwlär quya


Fälästin saylawlarında ciñep çıqqan radikal Hamas oyışması yaña xökümätne oyıştıraçaq.Bügen ul İsmail Haniyehnı premyerlek postına namzät itep bilgeläde. Hamasnıñ Fälästin Parlamentın kontrol itüenä cawap itep bügen İzrael kabinetı kisken çikläwlär qabul itte. Kabinet,İzraelneñ Fälästin xakimiätenä ay sayın cibärgän unmillionnarça dollar aqçanı tuqtata . İzrael ministırları xalıqara cämäğötçelekne dä fälästin xakimiätenä yardämne tuqtarğa çaqırdı ämma alar humanitar yardäm däwam itergä tieş dide

İzraelneñ qararı fälästinnärgä zur orım bula ala. İzrael ay sayın 50million dollar salım aqçası cıya häm anı Fälästin xakimiätenä tapşıra Fälöstin xakimiäte şul aqça belän yaqınça 140meñ eşçeneñ xezmät xaqın tüli. Bu çara älbättä kötelmägän närsä tügel ide.İzrael Hamasnıñ ciñüennän soñ şunduq radikal oyışma qoralların taşlap, xartiäsen üzgärtep İzraelne tanığançığa qädär tüläwlärne tuqtatu belän yanağan häm xalıqara cämäğätçelekne dä anıñ belän mönäsäbätlären özergä çaqırğan ide İzraeldä premyerlek wazıyfasın ütäwçe Ehud Olmert:

Min terrornı finansiäläw öçen aqça küçerügä qarşı.Bez aqçanıñ izrael däwlätenä zarar birü belän qızıqsınğan cinayätçe törkem qulına kerüen telämibez.

Hamas älegä İzraelgä qarata pozitsiäsen üzgärtergä cıyınmıy.Hamasnıñ Gazadağı citäkçese Mäxmüd Zahar ,İzrael bezneñ partnör yäki izrael xoquqi däwlät digän argumentlarnı qabul itmibez dip äytte kiçä.Hamas 2000.yıldan birle İzraelgä qarşı yaqınça 60intihar höcüme oyıştırdı.

Qayberäwlär säyäsi protsessqa qatnaşqan Hamas pozitsiäsen üzgärtäçäk dip uylıy. Dubaida urnaşqan Farsı Qultığı Tikşerü Üzäge ölkän analitiğı Mustafa Alani:

Onıtmasqa kiräk saylawlar ğädel häm demokratik ide , bu fälästin xalqınıñ teläge

Alani fikrençä , sanksiälär quyıp Hamastan qotılıp bulmıy,andıy eş demokratik prinsplarnı ğına zäğifläter ide. Analitik opozitsiädäge Hamas belän xakimiättäge Hamas şuluq närsä tügel,u üzgärergä tieş,şulayuq xalıqara cämäğätçelek häm İzraelneñ Hamasqa qarata mönäsäbäte üzgärergä tieş dip söyli .Alani Hamas söyläşülärdä bälkim dä rişwätçelek häm buldıqsızlıqta ğäyeplängän prezident M.Abbasnıñ Fatax firkasınnan täsirleräk bulır dip uylıy. Ul tağı Fatax ta başta İzraelne tanımağan ide, ämma säyäsi protsessqa qatnaşqaç anıñ da pozitsiäse üzgärde di Ämma İzrael belän Fälästinnär arasında yaqın kiläçäktä tınıçlıq söyläşüläre başlar digän işarälär kürenmi. Bügen İzrael oçqıçları 2 fälästinlene üterde färidä xämit
XS
SM
MD
LG