Accessibility links

дүшәмбе, 5 декабрь 2016, Казан вакыты 19:51

Fälestin xökümätendä İslam Cihadı bulmıy


Fälestinne Azat İtü isemle sulçılarnıñ xalıq frontı, suğışçan Xamas citäklägän xökümätkä kerergä rizalıq birde. İslam Cihadı suğışçıları xökümätkä qatnaşudan baş tarttı, ämma Xamasqa xalıq mänfäğätlären yaqlawda teläktäşlek belderde. Xamas bügen şulay uq Fälestinne Azat İtü demokratik frontı wäkilläre belän oçraşa. Yaña fälestin parlamentı räise, uzğan aydan birle fälestin qanun çığaru şurasında qabul itelgän barlıq qararlarnı ğämäldän çığarırğa quştı. Alar arasında prezident Mahmud Abbas tarafınnan bilgelänäçäk mäxkämä xäkimnäre turındağı qarar da bar ide. Abbas bügen Xamasnıñ premyer-ministr urınına namzäte İsmail Haniya belän oçraşa. İrannıñ yuğarı ruxi citäkçese Ayatolla Ali Xamenei dönya möselmannarın fälestinnärgä aqça cıyarğa çaqırdı. Bügen Xamasnıñ säyäsi yulbaşçısı Xaled Maşaal belän bulğan oçraşu waqıtında, Xamenei, Hamasnıñ ciñüe – şulay uq İran öçen dä ciñü bulıp tora, iranlılarnı da qotlarğa kiräk, digän. İzrail, üzen tanımağan Xamas xökümätenä çikläwlär kertü çaraların başladı.

XS
SM
MD
LG