Accessibility links

шимбә, 3 декабрь 2016, Казан вакыты 05:32

Ğiraq xökümäten tözüdä qarşılıqlar çıqtı


Ğiraq premyer-ministrı İbrahim al-Cağfari, yaña xökümät tözü eşe körçekkä terälde, dip belderde. Bu xaqta ul Ayatolla Ali äs-Sistani belän bulğan oçraşudan soñ äytte. Ämma, qarşılıqlar çişelmäslek tügel, dide al-Cağfari. Xökümätkä al-Cağfari firqase wäkilläre, Körd partiäläre häm 15 dekaber saylawlarında 55 urın yawlağan ike sönni törkem wäkilläre keräçäk dip farazlana. Bügen irtän Bağdadta bulğan höcümnärdä kimendä 19 keşe häläk buldı. Köndälek eş kötep torğan eşçelär cıyılğan urında bomba şartlap anda 9 keşe ülgän, başqalanıñ tönyağında, uzıp barğan yök maşinalarına ut açılğan, anda 5 ğiraqlı häläk bulğan. Mosul şähärendä intixarçı üze belän bergä kimendä 5 keşene şartlatqan. Uzğan atnada Basrada totıq alınğan ike makedoniälı, azat itelgän. Makedoniä tışqı eşlär ministrlığı, alar öçen aqça tülängänen belderde. Ğiraq räsmiläre bu mäğlümatkä ber nindi dä añlatma birmäde.

XS
SM
MD
LG