Accessibility links

җомга, 9 декабрь 2016, Казан вакыты 16:37

Taciqstanda 2005tä oppozisiäne qısu däwam itkän: xökümättän bäysez oyışma xisabı


Taciqstandağı xökümättän bäysez oyışmanıñ yıllıq xisabında, uzğan yılda da oppozisiädäge firqalärgä "basım däwam itte", dip belderde. Keşe Xoquqları häm Qanun Xakimiäte öçen Respublikan Bürosı wäkile Galina Derevençeçnko, Azatlıqnıñ taciq redaksiäsenä, 2005nçe yılda qulğa alular, oppozisiädäge keşelärne xökem itü häm parlament saylawlarındağı qanun bozular turında söyläp birde:

"Möhim waqiğalarnıñ berse dip - 27 fivraldä uzğan parlament saylawların atap bula. Xisaptan kürengänçä, anda küpmeder qanunbozular bulğan ide. Säyäsi firqalärneñ dä saylaw yomğaqların tanımawları turındağı belderüe – ber nindi näticägä kitermäde."

Xisapta şulay uq Taciqstanda mäğlümat çaraların terkäwdä awırlıqlar, mäğlümat alu mömkilege çiklänüe häm jurnalistlarğa qarşı cinäyät eşe açu kebek oçraqlar da telgä alınğan. Xakimiätlärneñ mäxkämä häm xäkimnärne kontroldä totuı äytelgän.

XS
SM
MD
LG