Accessibility links

дүшәмбе, 5 декабрь 2016, Казан вакыты 03:37

“Cide yoldız” festivalendä törle teldä cırlar yañğırayaçaq


“Cide yoldız” festivale 10 meñ keşe sıydırışlı Qazandağı iñ zur Boz sarayında uzaçaq. Oyıştıruçılar monı bernindi bäyge dä, yaña yäş başqaruçılar da ezläw tügel, ä barı zur cır bäyräme bulaçaq dilär . Çittäge millättäşlär häm tatar cırların tanıtuçılar qatnaşında. Alar arasında tanış isemnär şaqtıy. Mäskäwdän Rinat İbrahimov, Nailä Fatexova, "Na-na" törkeme. Şulay uq Finlyandiädän Cämilä, Üzbäkstannan"Yalla" "Şaxzod"vokal''-instrumental'' ansambl''läre kiläçäk ikän. Qırımnan virtuoz-gitaraçı Änwär İzmaylov, Başqortostannan "Karavan-saray" törkeme häm Aydar Ğalimov, Sankt-Peterburgtan Al''bert Asadullin qatnaşaçaq. Bu isemlekneñ äle ber öleşe genä. Qayber cırçılar şaqtıy aqça sorıy, şul säbäple kire qağırğa mäcbür bulabız dide, oyıştıruçılar. Festival''dä qatnaşuçılarnı niçek saylawları turında “Yaña Ğasır” teleradiokompaniäse general'' direktorı urınbasarı Miläwşä Aytuganova:

Bez berençe çiratta Bötendönya tatar kongressı Başqarma komitetı belän berlektä eşlädek. Ämma aralarında inde tanılğan isemnär dä bar. Rusiä töbägenä häm çit illärgä 83 xat cibärelde. Berençe näticälärne dekaberdä yasadıq. Qazaqstannan küp buldı qatnaşırğa tezläwçelär. Ämma bezgä turı kilä torğan ber qıznı ğına saylap aldıq. Qızğanıçqa çittege tatarlar kübräk üzeşçän sängat däräcäsendä eşli. Anda professional'' başqaruçılar yuq.

“Yaña Ğasır”da “Cide yoldız” proyektı inde ike yıldan artıq bara. Soñğı waqıtlarda konsertların “Piramida” da, G. Qamal teatrında da ütte. Ämma çirattağısı barısın da uzdıraçaq buğay, çönki cırlar üzbäkçä dä, rusça da başqarılaçaq. Ber qazanda barısı da qaynayaçaq. Oyıştıruçılar üzläre dä äle bu festival''dän närsä kilep çığaçağın tögäl belmilär.

“Yaña Ğasır” teleradiokompaniäse general'' direktorı İlşat Äminov:

Böten dönyadan tatarça cırlıy torğan keşelärne cıyarğa telibez. Bez aña kommersiäle proyekt bularaq qaramıybız. Bu bik zur konsert. Niçek barıp çığaçağın äle üzebez dä belmibez. Ägär barıp çıqsa 2-3 yılğa ber uzdırırbız dip uylıybız.

Festival''gä bilet 200-250 sum toraçaq. Mondıy dön''yaküläm tanılğan cırçılarnı işetü öçen bu bötenläy çüp bäya dip belderde oyıştıruçılar.

Festival'' azağında İlham Şakirov belän bergä “Tuğan tel” cırın başqarılaçaq.

Landış Xarrasova

XS
SM
MD
LG