Accessibility links

җомга, 9 декабрь 2016, Казан вакыты 03:05

Açıq mikrofon: 21 Fivral – nindi kön?


Äye, beläm. Bügen xalıqara tuğan tel köne. Yalğışmasam ul 2001 yıldan birle bilgeläp ütelä. Bu könne bik kiräk dip sanıym, çönki bügenge köndä tel mäs’äläse bik tä möhim. Yäşlär üzläreneñ tuğan tellären belep betermilär.

Bu kön turında berençe tapqır işetäm. Tel – ul bik qatlawlı äyber. Min bu bäyrämneñ ni öçen kiräklegen häm ixtiacın añlamıym.

Min nindi kön ikänen belmim, minemçä ägär dä bu könne yal itsäk, anıñ nindi kön ikänlegen böten keşe dä beler ide.

Qızğanıçqa qarşı, 21 fevral' tögäl nindi istälekle kön ikänen belmim. Läkin “Azatlıq” radiosı uramğa mikrofon belän çıqqaç närsä dä bulsa bardır dip näticä yasıy alam. Ällä eşlibez bik tığız, ällä bik küp uqıybız, şuña kürä xäterlämibez, bälki belmibezder dä. Bälki inde bezneñ cämğiätebez şulay yoqlıydır, xäterlämi häm xäterlärgä telämider dä belmim.

Min üz telemne bik yaratam, läkin Tatarstan köne, yäisä başqa berär däwlät köne, yäisä berär keşeneñ tuğan köne. Menä bu kön. Ä tuğan tel köne digänne min añlamıym.

Bügen xalıqara tuğan tel köne. Min bu könne ütkärüne kiräk dip sanıym, çönki bik küp tellär yuğala bara. Minemçä, här xalıq üz telen saqlarğa tieş. Şunnan başqa bulmıy.

Gölnaz Şäyxetdin

XS
SM
MD
LG