Accessibility links

җомга, 9 декабрь 2016, Казан вакыты 20:33

AQŞ däwlät sekretare Rice Yaqın Könçığış illäreneñ yaqlawın alaçaqmı?


Yaqın Könçığış illärenä säfärgä çıqqan AQŞ däwlät sekretarı C.Ricenıñ berençe tuqtalışı Mısır buldı. Şunnan ul Suğut Ğäräbstäne häm Berläşkän Ğäräb Ämiratına bara. Säfär Washingtonnıñ Hämäs häm İran citäkçelegen izolatsiädä qaldıru tırışlığı öçen töbäktäge xökümätlärneñ yaqlaun qazanu mäqsatın quya.

C.Riceneñ berençe tuqtalışı Mısır buldı. Ul Washingtonnıñ töbäktäge töp berektäşe häm ğäräb dönyasınıñ in zur ile. Däwlät sekretarınıñ köntärtibendä saylawlarda cur ciñügä ireşkän häm fälästinnärneñ yaña xökümäten oyıştıraçaq Hämäs belän niçek eş itergä digän mäsälä tora. Rice fevral başlarında, saylawlarda Hämäsneñ fälästin säyäsätendä yıllarça östenlek itkän Fataxnı ciñep çığuı AQŞ öçen ber dä kötelmägän närsä buldı dip iqrar itte. Washington Hämäskä terror oyışması dip qarıy , Amerika qanunına kürä xökümät terror törkemnären finasiäli almıy. Bu inde Washington fälästinnär belän niçek eş itäçäk digän sorau tudıra. AQŞ räsmiläre wazğiät niçek täräqi itäçäk kötergä kiräk dip äytälär.Ämma prezident G.Bush qoralların taşlamasa , köç qullanunı tuqtatmasa häm İzraelneñ yäşäw xoquqın tanımasa Hämäs belän eş itmiyäçäklären äytep quydı inde.

G.Rice Qaxirädä mısırlı räsmilärneñ pozitsiäsen öyränep alarnı Washingtonnı yaqlarğa çaqıraçaq.Küp kenä komentatorlar qaraşınça , Mısır yäki başqa ğäräb illäre xökümätläre şulayuq Washington nişlärgä belmi, aptırap qalğan , alar islamçı xäräkätlärneñ başkütärüennän qurqa.Ğäräb xökümätläre öydä kübräk qänäğätsezlek, tınıçsızlıqqa säbäp bulmas öçen Washington säyäsätennän çitläşergä kiräk dip uylıy. Londonda Chatham Housnıñ yaqın könçığış belgeçe Yossi Mekelberg täbäktä demokratiäne yaqlağan AQŞları da zur problema aldında di.Mekelberg,

Ğäräb xökümätläre genä tügel ä könbatış ta pat wazğiätendä. Çönki könbatış demokratiä öçen tırışa, könbatış küzendä demokratiä digändä in berençe urında irekle saylawlar tora.Ä saylaw näticäläre ber dä oxşamıy . Çönki fundamentalizmğa kitergän töp mäsälälär belän eş itelmägän.

Ni öçen yaqın könçığışta arta barğan sanda keşe fundamentalizmnı yaqlıy digän sorauğa Mekelberg säbäbe bik ğadi, çönki xökümätlär xalıqnıñ yäşäw standartın yaxşırta almadı, mömkinçeleklär birmäde, xäzer xalıqqa baş kütärü, köç qullanu da kiräkmi çönki ul xökümätkä bulğan qänäğätsezlek açuın saylaw sandıqlarında kürsätä ala dip dip belderä yaqın könçığış belgeçe

İran tik atom programması säbäple genä tügel ä Hämäs mäsäläsendä dä xälne qatmarlandıra dip äytä belgeç Mekelberg,

Bügen Hämäsneñ ölkän citäkçelärennän berse Haled Meşal Tehranda buldı häm İrannın tulı yaqlawın aldı.Alar aña, aqça öçen borçılma , xalıqara cämäğätçelekneñ yardäme citärlek bulmasa bez sina aqça tabıp birerbez dip äyttelär.Şulay C.Rice Yaqın könçığışta urtaçıl köçlärneñ yaña qurqınıçqa mönäsäbäten öyränmäkçe ,ä konservativraq köçlär yaqın könçığışta yaña xäl belän niçek eş itäçäk mikän.

AQŞları häm Yevropa Berlegendä İran mäsäläsendä närsäder eşlärgä kiräk dip uylanalar dip söyli Yossi Mekelberg .C.Rice ütkän atnada senatnıñ tışqı mönäsbätlär komitetı aldındağı çığışında İran xalıqara cämäğätçelekkä açıqtan açıq qarşılıq kürsätüneñ näticäläre bulaçağın belergä tieş,xalıqara cämäğätçelek cawap qaytaraçaq häm ul anıñ östendä eşli dip söylägän ide .Däwlät sekretarı yaqın könçığış säfäre waqıtnda ,Washington häm Brüsselneñ Tehranğa qarata qatı pozitsiäsen ğäräb illäre yaqlayaçaqlarmı yuqmı şunı öyränergä tırışaçaq färidä xämit
XS
SM
MD
LG