Accessibility links

дүшәмбе, 5 декабрь 2016, Казан вакыты 15:45

Straw Ğiraqta milli berdämlek xökümäte tözergä çaqırdı


Bağdad -- Ğiraq premier-ministrı İbrahim Äl-Cağfari, Washingtonnıñ, Ğiraq firqäläre xökümät tözegändä, mäzhäpçelektän totlıp qalırğa tieş, digän kisätüen kire qaqtı. Düşämbedä Quşma Ştatlarnıñ Ğiraqtağı ilçese Zalmay Xälilzad, Quşma Ştatlar Ğiraqqa millardlağan dollar aqça saldı häm bu aqçanıñ nindi dä bulsa ber dini yä milli törkemneñ säyäsäten xuplawğa sarıf itelüen telämi, digän belderü yasağan ide.

Bügen Bağdadta Britaniä Tışqı eşlär ministrı Jack Straw Ğiraqta milli berdämlek xökümäte tözergä çaqırdı. "Bezneñ raslanğan saylaw näticäläre bar. Alarğa kürä, ber firqä dä, ber törkem dä xökümättä östenlek itä almıy. Bu xökümät Ğiraq cämğiäteneñ törle qatlamnarın berläştergän milli berdämlek xökümäte bulırğa tieş", di Britan ministrı.

Jack Straw Ğiraqta köç qullanuda ğäyeplängän Britan xärbilären yaqlap çıqtı. Koalitsiä köçläre 2003 yılda Ğiraqqa basıp kergännän birle, andıy oçraqlar berniçä genä, dide ul. Britan xärbiläre Ğiraq keşelären qıynağan video-tasma kürsätelgännän soñ 3 keşe qulğa alınğan ide.

XS
SM
MD
LG