Groznıy -- Berläşkän Millätlärneñ Keşe xoquqları komissarı Louise Arbour Çeçnädä keşe xoquqları bozılu uñayınnan borçılu belderde. Bügen ul Groznıyda Çeçnä prezidentı Alu Alxanov häm xökümät citäkçese wazifasın başqaruçı Ramzan Qadırov belän oçraştı. Atap äytkändä Arbour Çeçnädä totqınnarnıñ cazalanu, keşelärneñ urlanu oçraqların kiterde. Tönyaq Kavkaz säfären däwam itep ul Groznıydan Tönyaq Osetiägä bara. Atnakiç könne anıñ Rusiä prezidentı Vladimir Putin belän oçraşuı qaralğan.
