Accessibility links

шимбә, 3 декабрь 2016, Казан вакыты 03:29

Radko Mladiç qulğa alınmağan


Haaga -- Xalıqara tribunal prokurorı Carla Del Ponte, Bosnia serblarınıñ elekke komandirı Radko Mladiç qulğa alınğan digän xäbärlärne raslamadı. "Mladiçnıñ birelüe xaqında söyläşülär bara dip äytergä älegä ber işarä dä yuq. Min Belgrad räsmiläre belän söyläştem, alar bu ğäybätlärne kire qaqtı. Mladiç äle dä irektä", dide ul. Del Ponte, Mladiç Serbiädä qaçıp yata dide häm Serbiä räsmilären anı eläktrü çaraların kürergä çaqırdı. Xalıqara tribunal Mladiçnı 1995 yılda Bosnia suğışı waqıtında, Srebrenica qalasında 8 meñläp möselmannıñ wahşilärçä yuq itelüe öçen cawaplı dip sanıy. Ul şulay uq Saraevonıñ 4 yıl däwam itkän qamalışı öçen dä ğäyeplänä. Şul waqıt eçenädä qalada 12 meñ keşe häläk buldı.

XS
SM
MD
LG