Beslan -- Berläşkän Millätlärneñ keşe xoquqları komissarı Louise Arbour bügen Tönyaq Osetiäneñ Beslan qalasında "Beslan awazı" oyışması wäkilläre belän oçraştı. Oyışma citäkçese Ella Kesaeva - Arbourğa Beslan faciğäsenä xalıqara tikşerü ütkärüne sorap möräcäğät itkän. 2004 yılnıñ Sintäberendä totıq faciğäse waqıtında Beslan mäktäbendä 330an artıq keşe häläk buldı, kübese balalar. Arbour mäktäpkä häm qorbannar ziaratına barıp çäçäklär saldı. Tönyaq Kafkazda säfärdä yörgän Arbour moña qädär Çeçnä belän İnguşetiädä buldı. Çeçnädä keşe xoquqları bozılu uñayınnan borçılu belderde. Atnakiç könne anıñ Mäskäwdä Rusiä räsmiläre belän oçraşuı qaralğan.
