Accessibility links

пәнҗешәмбе, 8 декабрь 2016, Казан вакыты 01:27

Qarşılıq çarası bulıp ütte


22 fevral Ufada bulğan miting “Berdäm Rusiä” firqäseneñ general şurası idaräse särkätibe Vyaçeslav Volodinnıñ “İzvestiä” gäzitenä birgän äñgämäse uñayınnan. Ul äñgämädä Volodin “Ural” Başqort xalıq üzägen häm Başqort yäşläre ittifaqların millätçelektä ğäyeplägän ide. Älege miting Volodinnıñ bu fikerenä protest çarası bularaq ütte. Anda başqort oyışmaların millätçelektä ğäipläw döreslekkä turı kilmäwe äytelde. Çara axırında rezolyutsiä qabul itelde.

Şul uq waqıtta respublikanıñ Berläşterelgän oppozitsiäsenä kergän oyışmalar başqa törle dokument qabul itte. Alar, kiresençä, Vyaçeslav Volodinnıñ “Ural” Başqort xalıq üzäge häm Başqort yäşläre ittifaqların millätçelektä ğäyepläwe döres dip atalğan. Älege oyışmalar artında respublika xakimiäte tora, ul başqort milli kütäreleşe häm köçen kürsätep, federal üzäkne örketmäkçe dielgän. Çarada qatnaşuçılar bu çaranı oppozitsiäneñ 4 Martqa bilgelängän qarşılıq aksiäse aldınnan xalıqnı uramğa çıqmasqa qurqıtu çarası da bulıp tora dip bäyälädelär.

4 Mart bulaçaq çarağa röxsät alınmağan. Bügen, 22 fevral Volodinğa qarşı yünälderelgän çarağa qanun buyınça röxsät un kön aldan, yağni 12 fevral alınğan bulırğa tieş. Volodinnıñ älege äñgämäse “İzvestiä”dä 15 fevral çığuın iskä alğanda, qarşılıq aksiäse xakimiät oyıştıruında häm röxsätsez uzğan. Berläşterelgän oppozitsiä bügenge qarşılıq aksiäse legitim bulmawı xaqında proquraturağa möräcägät itte.

XS
SM
MD
LG