Accessibility links

пәнҗешәмбе, 8 декабрь 2016, Казан вакыты 23:11

Ğıraq:İzge urınğa höcümnän soñ şığılar belän sönnilär arasında köç qullanu arttı


Şığı möselmannarınıñ in möhim ğıybadätxanälärennän bersenä yasalğan höcümnnän soñ Ğıraqta başlanğan köç qullanu däwam itä.22nçe fevraldä Samarrada äl Ğäskär törbäse şartlatılğannan soñ şığılar belän sönillär arasındağı köç qullanuda distälärçä keşe häläk buldı.İlneñ prezidentı watandaşlar suğışı başlana ala dip yanadı .

Şığıy ğıybadätxanäse şartlatılğannan soñ böten ildä meñnnäçä şığı uramğa çığıp izge urınğa yasalğan höcümne xökem itte. Başlanğan köç qullanunı tuqtatırğa tırışıp Ğıraq premyere İbraxim al Jafari häm şığılarnıñ ölkän ruxanisı Ayatolla Ali al Sistani çığışlar yasasa da, qolaq saluçı bulmadı. Ber täwlektä distälärçä keşe üterelde , 10nnan artıq sönni mäçetenä höcüm oyıştırıldı. Baqubada höcümgä duçar bulğan mäçetneñ müezzene Reutersqa bolay dip söylä

Möçetkä irtängä qarşı höcüm itelde.-azan äytelgännän soñ 5 minut ütkäç.Mäçettä torğan 5 saqçı azan äytelgännän soñ bülmälärenä qaytqan. Şul çaqta mäçet yanına kilgän 2 maşinadan aftomatik qorallı keşelär çığıp saqçılar bülmäsen utqa tota. Alar bülmädä bulğan 3 saqçığa ut aça häm ike granad atıp qaçalar. Ul keşelär opel maşinasında kilgän

Şuna oxşaş köç qullanular däwam itä. Basrada qorallı keşelär törmägä häcüm itep şiklänelgän 11 sönni suğışçını üterä. Samarrada şartlatılğan ğıybadätxanäne filmgä töşergän al Arabia televidiniäseneñ 3 jurnalistı üterelde.Köç qullanunıñ kiskennäşep kitüe Ğıraqta sivil suğış qabına ala digän qurqunı arttırdı. Prezident Jäläl Talabani televidiädäge çığışında ildäge wazğiät bik kisken dip belderep, qurqınıçlar turında yanadı.Prezident G.Bush süzçese Scott McClellan aşa Ğıraqlılarnı totnaqlıq kürsätergä çaqırdı. McClellan:

Prezident G.Bush barlıq ğıraqlılarnı bu tragediä säbäple totnaqlıq kürsätergä häm Ğıraq konstitutsiäse, qanunnarına kileşle ğädellekkä çaqıra. Köç qullanu terrorçılar telägän ğämälgä ireşü öçen yardäm ğına bulaçaq

Köç qullanu däwam itä. Samarradağı äl Ğäskär törbäsen xäräbägä äyländerüçelär bilgele tügel.AQŞları terrorçılarnı ğäyepläsä, Ğıraq räsmiläre al-Qaida dip äytä.İran İzrael belän AQŞnı ğäyepli.Kem genä cawaplı bulmasın Ğıraqta säyäsi parçalanu başlandı. Ğıraqtağı töp sönni törkeme bügen prezident Talabani häm başqa säyäsätçelär belän planlaştırılğan cıyılışqa xökümät sönnilärne yaqlıy almıy dip boykot belderde färidä xämit.
XS
SM
MD
LG