Accessibility links

шимбә, 3 декабрь 2016, Казан вакыты 12:38

Röstäm Minnexanov: “Xärbi köçlärdä millionlağan watandaşlarıbız xezmät itte…”


23 fevral' könne il külämendä çirattağı bäyräm uzdı. Tatarstan xalqı da eşkä, uqırğa barmıyça Watannı saqlawçılar könen bäyräm itte. Tarixqa küz salsaq, älege bäyräm 1918 yılda bol'şeviklar armiäse tözelä başlaw xörmätenä ütkärelgän bulsa, annarı Qızıl armiä köne dip atalğan, soñınnan inde Sovet armiäse häm Xärbi – Diñgez flotı köne dip üzgärtelde. Ä SSSR cimerelgäç armiä süze dä töşep qalğan. 1993 yıldan isä älege kön Watannı saqlawçılar dip atala başladı. Bu könneñ niçek kenä ataluına qaramastan, babaylarnı, ätilärne, irlärne, abıy-enelärne, xezmättäşlärne qotlaw ğadätkä kerğän. Ğomumän irlär köne dip sanalğan bu bäyrämneñ töp eçtälegen räsmi dokumentlar ğına iskä töşerä.

Pänceşämbedä respublika xalqın Watannı saqlawçılar köne belän Tatarstannıñ Premyer-ministrı Röstäm Miñnexanov täbrikläde. Täbrikläw süzlärenä qarağanda, “Xärbi köçlärdä millionlağan watandaşlarıbız xezmät itte... Bu köndä Böek Watan suğışında qatnaşqan babalarıbıznı iskä alabız. Äfgan, Tön'yak Kavkaz cirendä üzläreneñ burıçların ütägän xärbilär dä zur xörmätkä layıq. Çernobıyl' avariäsen beterüdä qatnaşqan keşelär dä şular belän ber rättä tora”.

Gölnaz Şäyxetdin

XS
SM
MD
LG