Accessibility links

якшәмбе, 11 декабрь 2016, Казан вакыты 05:21

Yevopa Şurası wäkilläre din uqıtu institutın tözü turında Qazanda kileşte


Qazanda bara torğan konferensiädä, Yevropa Şurası illärendä din uqıtu kiräklege turında konferensiä qatnaşuçılar kileşte. Konferensiäneñ ikençe könendä, xristian, islam, yahud dine wäkilläre dinnärne uqıtu yevropa İnstitutın tözü xaqında söyläşte. Konferensiädä bilgeläp ütelgänçä, din nigezlären Yevropa Şurasında uqıtunıñ maqsatı – ğadi xalıqqa dönya dinnäreneñ, mädäniät häm tarixların añlatu, mäğrifätçelek eşen alıp baru. Yevropa wäkilläreneñ bu inde 5nçe seminarı bulsa, Rusiä wäkilläre anda qunaqlar räweşendä genä buldı. Rusiä internet säxifäläre, mäsälän, www.portal-credo, digän analitik internet säxifä, Tatarstan, Mäskäwdän uzıp, Yevropa Şurası belän eş yörtä, andağı möselmannar, Yevropağa taba awışa bara, digän fiker belderde. Tatarstan wäkilläre üzläreneñ çığışlarında, berençe çiratta, Yevropa Şurası utırışın Tatarstanda ütkärüe bezneñ öçen zur däräcä, dip äytep kilde. Parlament räise Färit Möxämmätşin, üzeneñ çığışında, bezdä bulğan uñay täcribäne öyränergä mömkin, dip bilgeläp ütte. Bu seminar Rusiäneñ din ähellärenä dä üz ara küreşep, fiker alışırğa mömkinlek birde. Äytkänebezçä, berençe könne seminarda, Rusiäneñ keşe xoquqları öçen cawaplı keşe Vladimir Lukin, Rusiä möftilär şurası räise Rawil Ğäynetdin, Rus pravoslav çirkäwe, yahud dine wäkilläre qaraşların belderde. Vladimir Lukin, Tatarstandağı dinara tüzemlelekne idealğa yaqın dide. Ul din turında mäğlümat birü kiräk, ämma monı niçek eşlärgä, niçek ber kemneñ dä xoquqların qısmasqa, digän sorawlar quydı. Äytkänebezçä, Rus pravslav çirkäwe isemennän,Tatarstandağı xristian çirkäwe başlığı Anastasiy ata, pravoslavlarnıñ din däresläre yaqlı qaraşların qabatladı. Rawil Ğäynetdin, üz çığışında, üzara xörmät belän, aralaşıp, kileşep yäşärgä kiräk, dip belderde. Ul, üz notığında, tarixnı ber yaqlı ğına yaqtırtmağan, mömkin qädär obyektiv tarix däreslekläreneñ eşlänep citmäwen assızıqladı. Rawil Ğäynetdin şulay uq, «Dönya dinnäre nigezläre» Rusiä Möftilär Şurası tarafınnan äzerlänep kilüen xäbär itte.

Elekke millätlär eşläre ministrı, ä xäzer İdel buyı federal okrugındağı Prezident wäkile idäräsendä eşlägän Vladimir Zorin da älege konferensiädä buldı. Ul, Yevropa Şurası seminarı kütärep çıqqan din nigezlären uqıtu täqdimenä, bez teläktäşlek kürsätäbez dide. Bu eştä, yäkşämbe mäktäplären, başqa dini mäktäpläreneñ täcribäsen qullanırğa bula, digän fikerläre belän büleşte ul. Anıñ fikerençä, berençe çiratta, barlıq dinnär aldında terrorçılıqqa qarşı toru, narkomaniä häm SPİDtan yäşlärne saqlaw kebek mäsälälär tora, häm dini cämğiätlär xakimiätlär belän bu mäsälälärdä xezmättäşlek itärgä tieş, dide Vladimir Zorin.

Konferensiädä qatnaşuçılarğa, Qol Şärif häm Blagoveşenie soborların, Kreml’ne kürsättelär. Konferensiädä Yevropa wäkilläre üz qaraşların belderep, Rusiä wäkilläre üzlärneken äytep, taralıştı. Rusiä isemennän konferensiädä mäğärif oyışmaları wäkilläre bulmadı, räsmi çığışlar yasamadı, ä Yevropa Şurası oyıştıra torğan fiker alışular Qazan deklaratsiäsennän soñ da däwam iteläçäk.

Bikä Timerova.

XS
SM
MD
LG