Accessibility links

чәршәмбе, 7 декабрь 2016, Казан вакыты 17:39

İran Rusiäneñ uran bayıtu täqdimen kire qaqmıy


İran Rusiäneñ urannı üz cirendä bayıtu täqdimen kire qaqmıy, ämma äle söyläşäse mäsälälär bar. Bu xaqta İran tışqı eşlär ministrı Manuçer Mottaqi İndoneziägä bulğan säfäre waqıtında jurnalistlar aldında äytte. Bez kompromissqa äzer, dide ministr:

"İranlılarnıñ atom texnologiälären tınıç maqsatlarda tärräqi itü xoquqı nigezendä häm bezneñ tikşerülär häm atom eşçänlegebezne İranda yañartuıbız sürätendä, bez kompromisqa äzer."

Bügen Rusiäneñ atom idaräse başlığı Sergei Kirienko, Rusiäneñ täqdime turında Tähranğa söyläşülärgä kitä. Çärşämbe könne Azärbaycanğa säfäre barışında Rusiä prezidentı Vladimir Putin, Tährannıñ Mäskäw täqdimen qabul itüenä ömet beldergän ide. Qıtay tışqı eşlär ministrı urınbasarı Lu Guozen Tähranğa comğa könne barırğa cıyına. 3 kön däwam itäçäk säfäre waqıtında Qıtay räsmie İran wäkilläre belän atom mäsälälärendä fiker alışırğa cıyına.

XS
SM
MD
LG