Accessibility links

якшәмбе, 4 декабрь 2016, Казан вакыты 15:28

AQŞ däwlät sekretare Beirutta oçraşular uzdırdı


AŞQ däwlät sekretare Condoleezza Rice aldan iğlan itmiçä bügen Beirutqa kilde. Köçäytelgän iminlek şartlarında Rice parlamenttağı Süriägä qarşı küpçelek belän oçraştı häm Waşingtonnıñ Süriägä bulğan taläben qabatladı. AQŞ Süriäneñ elekke Livan premyer-ministrı Rafiq Haririnıñ ülemen tikşerüdä Berläşkän Millätlär Oyışması wäkilläre belän xezmättäşlek itüen taläp itä. Rice, üzeneñ Farsı Qultığı Xezmättäşlek Şurası aldında İran turında yasarğa cıyınğan çığışınnan qayber fikerlären äytte:

"İran, atom qoralın taratmaw kileşüe nigezendä eş itergä tieş. İrannıñ soñğı ğämälläre xalıqnıñ anıñ yağulıq programmalarına ışanmawına kiterde, häm xäzer inde ''İran tınıç maqsatlarda atom energiäse citeşterä alamı?'' digän soraw quyılmıy. Eye, İranğa inde berniçä märtäbä – tınıç maqsatlarda atom energiäse citeşterergä mömkinlek birelde."

Üzeneñ Yaqın Könçığış säfäre barışında AQŞ däwlät sekretare Condoleezza Rice inde Mısır häm Söğüd Ğärärpstanda buldı, anıñ soñğı tuqtalışı Berläşkän Ğäräp Ämirlekläre bulaçaq.

XS
SM
MD
LG