Accessibility links

якшәмбе, 4 декабрь 2016, Казан вакыты 06:58

Ufada Färidä Kudaşevanıñ yubiley kiçäse


Comğa könne Başqortstannıñ mädäni tormışında zur bäyräm, istälekle waqiğa. Ufada, Başqortstan däwlät filarmoniäsendä tatar xalqınıñ söyekle qızı, mäşhür cırçı Färidä Kudaşevanıñ yubiley kiçäse ütä. Uzğan yıl azağında, 15 dikaberdä Färidä Kudaşevağa 85 yäş tulğan ide. Äle Ufada ütüçe icat kiçäse dä kürenekle cırçınıñ şul kürkäm yubiley uñayınnan ütkärelä.

Kiçen ütäçäk şuşı zur bäyrämgä qunaq itep respublika prezidentı Mortaza Räximov häm başqa citäkçelär çaqırılğan. Färidä Kudaşevanı qotlarğa Qazannan da xörmätle qunaqlar kilde. Tatarstan Xökümäte başlığı urınbasarı, Tatarstannıñ Mädäniät ministrı Zilä Wälieva, Tatarstan Däwlät Sovetı deputatı, tanılğan şağir Robert Miñnullin, mäşhür cırçılar İlham Şakirov, Rafael'' İl''yasov, Zilä Sönäğätullina häm “Tattransgaz” şirkäteneñ general'' direktorı Räfqat Kantyukovlar kilde.

Yubiley kiçäsendä zur talant iäse Färidä Kudaşeva xalıq arasında kiñ tanılğan cırların başqaraçaq. Şulay uq bu istälekle bäyrämgä kilüçelärgä ul üzeneñ berär yaña cırın büläk itäçägen dä äytte. Älege tantanada Başqortstannıñ başqa sänğät ostaları da çığış yasayaçaq. Bäyräm kiçäsenä Färidä Kudaşevanıñ yaqtaşları – Çişmä rayonı wäkilläre dä kilä.

XS
SM
MD
LG