Accessibility links

якшәмбе, 11 декабрь 2016, Казан вакыты 15:02

Neftekamda “Duslıq moñı 2006” bäygese


Başqortstannıñ Neftekama şähärendä yıl sayın uzdırıluçı “Duslıq moñı” sänğät bäygese däwam itä. Häwäskär başqaruçılarnıñ şuşı xalıqara cır bäygese 22 fevral'' könne başlanğan ide. Tatar häm başqort cırçılarınıñ bu yarışması bıyıl 12 nçe tapqır oyıştırıldı. Uzğan könnärdä şuşı bäyräm qısalarındağı çaralar Neftekamada ğına tügel, ä Yañawıl häm Krasnokama rayonnarında da ütte.

Bıyıl “Duslıq moñı – 2006” icat bäygeseneñ yomğaqlaw öleşenä 55 başqaruçı saylap alınğan ide. Comğa könne şularnıñ arasınnan da iñ köçlelären saylap alu ütte. Jyuriğa bıyıl da Başqortstannıñ tanılğan cırçıları häm sänğät belgeçläre belän bergä, Tatarstannıñ talantlı säxnä yoldızları da kerde. Zöhrä Säxäbieva, Zölfiä Şakirova häm başqalar Qazannan kilep bu bäygedä yäş cırçılarğa üz bäyälären birä.

Jyuri räise, kürenekle cırçı, Başqortstanıñ xalıq artistçası Flürä Kildiärova “Duslıq moñı” xalıqara cır bäygese xaqında fikerläre belän urtaqlaştı.



Neftekamada ütüçe “Duslıq moñı” xalıqara bäygesenä bıyıl da Başqortstan belän Tatarstannan ğına tügel, ä Rusiäneñ törle töbäklärennän, şulay uq Ukrainadan, Latviä häm Estoniädän dä wäkillär kilgän. Tatarstannan kilgän yäş cırçı Ruslan Gabitov belän Tömän ölkäsennän Aygöl Şahmanova da şuşı bäygedä köç sınaşa häm härberse bu yarışlarda uñışlı çığış yasarğa ömetlänä.

Älege icat bäygesendä ciñüçelärneñ isemnäre şimbä könne iğlan iteläçäk. Şunda uq Gala-konsert barışında alarnı büläkläw çarası da ütä. Gran-pri iäse bıyıl da ciñel avtomobil''gä layıq bulaçaq. Qalğan ciñüçelärgä dä qimmätle büläklär äzerlängän.

Fänis Fätxi, Ufa.

XS
SM
MD
LG