Accessibility links

пәнҗешәмбе, 8 декабрь 2016, Казан вакыты 10:58

Üzbäk oppozisiäse citäkçesenä 18 yıl törmä yanıy


Salım tülämäw häm başqa iqtisadi cinäyätlär qıluda ğäyeplängän Üzbäk oppozisiäse citäkçese Sanjar Umarovqa 18 yıl törmä cäzası yanıy. Umarov – 2005nçe yılnıñ may ayında Andicanda xalıqnıñ baş kütärüen köç belän bastırunı täñqitlägän koalisiä räise bulıp tora. Anıñ advokatı, Vitaly Krasilovsky Azatlıqnıñ üzbäk redaksiäsenä menä närsälär belderde:

"Prokuror elekke ğäyepläwlärne qabatladı, başqa ber ni östämäde. Barısın da uqıp çıqqaç ul 18 yıllıq törmä cäzası birüne soradı. Närsä dip äytim? Älbättä, bu bik ozın möddät. Ämma advokat bularaq min beläm, Sanjar Umarovqa belderelgän ğäyepläwlärneñ kübesenä dälillär dä yuq."

Uzğan atnada şul uq koalisiäneñ tağın ber wäkikle Nodira Xidoyatovağa 12 yıl törmä cäzasın birü qaraldı. Nodiranıñ bertuğan señlese, Frans Press mäğlümat agentlığına böten bu mäxkämä eşlären – "tamaşa qılu" dip bäyäläde.

XS
SM
MD
LG