Accessibility links

шимбә, 3 декабрь 2016, Казан вакыты 18:43

Yevropa ministrları qoş kizüennän saqlanu turında söyläşä


Avstriä başqalasında bügen Yevropa Berlegeneñ sälämätlek saqlaw ministrları oçraşıp qoş-qort kizüennän saqlanu çaraları turında fiker alıştı. Berlekneñ sälämätlek saqlaw komissionerı Markos Kyprianou, matbuğat oçraşuında, panika tudırmaw öçen xalıqnıñ mäğlümatkä iä buluı möhim, dip belderde:

"Çınbarlıqqa qarasaq – virus xäzer böten cirdä bar, anı qırğıy qoşlar tarata, häm älege problema kiläçäktä dä däwam itäçäk. Bez häm Yevropa xalqı qotqığa birelmiçä, artığın borçılmıyça bu problema belän yäşärgä tieş."

Qoş kizüe inde Yevropanıñ 10 ilendä tabıldı. Kiçä Fransiä sälämätlek saqlaw räsmiläre H5N1 virusı buluda şiklänelgän ber kürkä fermasın yabıp quydı. Moñarçı Yevropada qoş kizüeneñ keşelärgä yoğu oçraqları bulmadı.

XS
SM
MD
LG