İran tışqı eşlär ministrı Manuçer Mottaqi bügen Tailandta, anda da ul Tährannıñ atom programması tiräsendä tuğan kierenkelekne çişü öçen säyläşülärgä äzer bulğanın belderde. Ämma, İrannıñ atom texnologiäsen tınıç maqsatlarda tärräqi itü xoquqı bar, dip östäde Mottaqi. Rusiä häm Qıtaynıñ atom eşlärendäge baş aradaşçıları, Rusiä atom energiäse agentlığı başlığı Sergei Kirienko häm Qıtay tışqı eşlär ministrı urınbasarı Lu Guozeng bügen Tähranda söyläşülär uzdıra. Mäskäw İranğa urannı Rusiä cirendä bayıtunı täqdim itkän ide. Ägär riza bulsa, Töhran BMO sanksiälärennän qotıla alır ide.
