BMOnıñ keşe xoquqları ölkäsendäge yuğarı wäkile Louise Arbour İnguşetiä, Çeçnya häm Tönyaq Ossetiägä bulğan säfärennän soñ, Çeçnyada äle dä "qanun xakimiäte" tügel, ä "köç xakimiäte" xökem sörä, dip belderde. Bu xaqta ul Rusiägä säfären yomğaqlap Mäskäwdä ütkärgän matbuğat oçraşuında äytte. Arbour şulay uq, çeçen tärtip saqlaw köçläreneñ qayber çaraları, atap äytkändä qulğa alınğan keşelärne cäberläwenä borçılu belderde. 23 fivral, pänceşämbe könne Arbour Rusiä prezidentı Vladimir Putin belän oçraşqan ide. Oçraşu waqıtında Putin, Rusiä keşe xoquqları mäsäläsendä xalıqara oyışmalar belän eşlärgä äzer, dip belderde, ämma xoquq mäsälälären säyäsiläştermäskä soradı.
