Accessibility links

якшәмбе, 4 декабрь 2016, Казан вакыты 19:33

Açıq mikrofon: Qazan metrosınıñ kiläçäge barmı?


Qazan elektr transportı şirkäte citäkçese Elmir Zakirov Qazan metrosı şimbä könne tulı köçenä eşli başlayaçaq dip belderde. Uzğan yılnı, avgust ayında açılğan, dönyada iñ qısqa yullı metro sanalğan cir astı yulında, isegezgä töşeräbez, 22 fevral' könne qaza bulğan ide. Tözeleş eşläre barğanda, metronıñ betonnan yasalğan diwarları cimerelä. Häm metro yulların su basa. Pänceşämbedä su inde çistartıldı häm şimbägä tözekländerüdän soñ bulğan çüp-çar çistartılıp betäçäk ikän.

Qazan metrosı, äytelgänçä iñ qısqa yullı. Anda barı tik biş kenä tuqtalış. Metronıñ ike oçında tağın ike stansiä tözü bara. Alarnıñ berse, Qazan kirmäne astınnan uzaçaq. Qazansu yılğası astınnan da uzıp, Mäskäw rayonı belän totaşaçaq.

Qazan metrosı tözeleşe barğanda ğadi xalıq daimi räweştä şik belderep kilde. Işanıçlı bulmas dip. Läkin metro yartı yıldan artıq matur ğına xezmät itte. Kön sayın anıñ belän 20meñnnän artıq keşe qullandı. Ä menä bu qaza bulğannan soñ xalıq ni uylıy, çirattağı Açıq mikrofon rubrikası şul xaqta:

-Metroda min bik siräk yörim. Uñaylı tügel ul minem öçen. Ä metronıñ kiläçäge aqçağa ğına bäyle inde. Aqçaları bulsa tözelep beter, bulmasa inde, - yuq.

-Min ğomumän yörmim! Yörergä dä cıyınmıym, balalarıma da quşmıym. Çönki qurqınıç anda! Änä kiçä genä su bastı. Kiläçäge yuq anıñ. Aşıq-poşıq qına tözedelär anı, üzem tözüçelärdän işettem – naçar anıñ sıyfatı.

-Yuq min yörmim, çönki uñaylı tügel. Min yäşägän cirgä citmägän iç äle ul. Ä bolay matur ğına kürenä ul.

-Miña ul bik tä uñaylı! Anıñ kiläçägenä, älbättä, ışanam.

-Bulır, Alla birsä! Tatarstanda böten närsä bula ul.

-Min anda ike tapqır buldım. Qurqıta! Keşe dä bik az yöri bit anda. Anıñ kiläçäge “qarañğı” dip uylıym. Işanıçlı närsä tügel ul.

Al'bina Zäynulla

XS
SM
MD
LG