Accessibility links

шимбә, 3 декабрь 2016, Казан вакыты 03:22

Kirienko: İran bäxäsen xäl itep bula


Tähran -- Rusiäneñ Atom energiä idaräse başlığı Sergei Kirienko, İrannıñ atom programması tiräsendäge bäxäsne xäl itep bulaçağına ışanıç belderde. Bu turıda ul bügen Tähranda İran räsmiläre belän oçraşqannan soñ äytte. Kirienko süzlärençä, Tährannıñ tınıç atom programmasın üsterergä xoquqı bar. Ul barı tik dönyanı atom qoralı yasarğa cıyınmawda ışandırırğa tieş. Könbatış, İran bayıtılğan urannı atom qoralı yasawda qullanır dip qurqa. Mäskäw, İranğa, urannı Rusiädä bayıtıp birergä täqdim itä. Kirienko, söyläşülär barışı belän qänäğät qaluın äytte. Ul şulay uq Rusiäneñ, Büşär atom stansiäsen mömkin qädär tizräk tözep beterü telägen belderde. İranğa bu stansiäne tözüdä Rusiä yärdäm itä.

XS
SM
MD
LG