Groznıy -- Qazanda ütkän xalıqara seminarda qatnaşqannan soñ, Yewropa Şurasınıñ keşe xoquqları komisssarı Alavro Gil-Robles, şimbä könne Çeçnägä kilep, Çernokozovo törmäsenä bardı. Bu törmädä ul berençe tapqır 5 yıl elek bulğan ide. Totqınarnıñ cäberlänüe belän dan qazanğan bu törmäne Robles ul çaqta yabırğa çaqırğan ide. İnterfax xäbärenä qarağanda, bu yulı ul törmädä uñay üzgäreşlär kürgän. Robles, Çeçnädäge wazğiätkä kürä, monda suğış äle betmägän, digän. Häm Çeçen citäkçelären, keşelärneñ urlanu oçraqların beterü öçen, çaralar kürergä çaqırğan. Robles aldınnan ğına Çeçnädä Berläşkän Millätlärneñ Keşe xoquqları komissarı Luiz Arbur bulıp kitkän ide. Luiz xanım Çeçnädä keşe xoquqlarınıñ äle dä tupas bozıluına tirän borçılu belderde.
