Accessibility links

якшәмбе, 4 декабрь 2016, Казан вакыты 21:29

İran belän Rusiä urannı bayıtu mäsäläsendä nigezdä kileşkännär: İran tışqı eşlär ministrı Tokioda


İran tışqı eşlär ministere Manuchehr Mottaki öç könnek vizit belän Tokioda. Söyläşülärdä İrannıñ bäxäsle atom aktivlığı turında da süz bulaçaq. Ber kön elegeräk İran urannı bergäläp Rusiädä bayıtu turında Mäskäv belän prinsipta kileşelde dip belderde. Läkin, bu xaqta täfsille söyläşülär bulırğa tieş äle.

1995-nçe 99-nçe yıllarda İrannıñ Tokioda ilçese bulğan xäzerge tışqı eşlär ministere Mottaki Yaponiä premiere Koizumi häm tışqı eşlär ministere Taro Aso belän dä söyläşülär alıp baraçaq. Yapon räsmiläre Mottakinıñ Teheran belän Mäskäv arasında ireşelgän kileşü turında täfsille mäğlümät birüe öçen basım yasayaçaqlar dip tä belderelä. Prinsipta kileşügä ireşlde digän belderü belän Yäkşämbedä İrannıñ atom energiäse agentlığı başlığı Ğolamreza Aqazadäh Xoy Seregey Kirienko belän söyläşülärdän soñ çıqtı.

"Urtaq käsepxanä buldıru turında nigez kileşügä ireştek Bu paketnı tögälläv turındağı söyläşülär şuşı könnnärdä Rusiädä dävam itäçäk."

Kileşü turında täfsille mäğlümät yuq. Mäskäv İran uranın Rusiädä bayıtu öçen urtaq käsepxanä buldrunı täqdim itkän ide. Bu bayıtılğan urannıñ qorallarda qullanıluın buldırmaunı kontrol itüne ciñeläyter ide. Agentıqlar xäbärençä, Teheran belän Mäskäv bu plannan vaz kiçep, kiñeräk külämle plan tikşergännär. İran urannı üz cirendä bayıtudan ber vaqıtta da vaz kiçmiäçägen dä beldergän ide. İrannı qänäğätländerü öçen Rusiä planına nindi üzgäreşlärneñ kertelgäne mäğlum tügel. Teheranda öç kön söyläşülär alıp barğan Rosatom başlığı Sergey Kirienko Mäskävgä qaytqaç kileşügä ireşü öçen vaqıt az qaldı , läkin, İrannıñ atom mäsäläsen diplomatik yullar belän xäl qılu mömkin dip belderde.

"Äle küp närsä eşlänergä tieş häm bez söyläşülärne Mäslävdä dävam itü turında kileştek. Söyläşülär ğadi tügel, ä qatmarlı . Läkin, min diplomatik xäl çarası tabıla ala dip ışanam."

İrannıñ räsmi xäbär agentlığı İRNA Yaponiä Rusiäneñ täqdimen yaqlıy häm İrannı anı qabul itärgä ügetli dip beldergän ide. Yaponiä tışqı eşlär ministere Aso bügen parlamentta yasağan çığışında İran xalıqara cämağätçelekneñ ışanıçın yuğalttı häm Mottakinı xalıqara vazğiätne añlauı öçen ügetliäçägen belderde. Yaponiä çinefteneñ 15 protsentın İrannan satıp ala häm ike yıl elek Azadegan nefte yatmaların eşkärtü öçen İran belän kileşü dä tözegän ide. Şul säbäple, Yaponiä diplomatik xäl çarası tabılmağan xäldä, BMOsı İminlek Şurasında İrannıñ atom programması säbäple aña sanksiälärneñ quyıluın telämi. Färit İdelle, Praga.
XS
SM
MD
LG