Accessibility links

якшәмбе, 4 декабрь 2016, Казан вакыты 07:06

Qazan turında altı teldä


“Şähärem – mäxäbbätem” dip isemlängän yäş ekskursovodlar bäygese Tatarstan gimnı belän başlanıp kitte. Bäygeneñ ähämiäte turında oyıştıruçılarnıñ berse, A.Aliş isemendäge Balalar icatı üzäge milli eşlär metodistı İlsöyär Şihapova söyli:

Çaranıñ töp maqsatı – bügenge texnika zamanında balalarıbıznı kübräk tuğan yaqlarına tartu, alarda vatanpärvärlek xislären uyatu. Meñellıq Qazannıñ tarixın, tanılğan şäxeslären, häykällären belü, öyränülären telibez.

Qazannıñ istälekle urınnarın kürsätkändä uquçılar ekskursovod hönäreneñ töp burıçların ütärgä tieş. Alarğa üz tıñlawçılarnıñ iğtibarın cälep ittererlek itep söyläw, qızıqsındıru maqsatı quyılğan. 30 yıl rättän uzdırıluçı älege bäygeneñ tantanalı öleşennän soñ töp çara başlandı. Oyıştıruçılar uquçılarnı 6 törkemgä bülde häm bäyge tatar, rus, ğäräp, törek, fransuz häm alman tellärendä bardı.

Bıyılğı bäyge Musa Cälilgä bağışlanğan ide. A.Aliş isemendäge Balalar icatı üzäge milli eşlär metodistı äytüençä Cälilgä, anıñ icatına, Qazanğa birgän ähämiätenä bağışlanğan eşlär küp buldı.

Bäygedä qatnaşuçılar Qazannıñ meñellığı waqıtında üzlären sınap ta qararğa ölgergän ide:

Qazannıñ meñellığı waqıtında London, N'yu York şähärlärennän jurnalistlar kilde. Alar bezgä möräcäğät itep, Qazan turında söyläwebezne soradı. Biredä balalarıbıznı qatnaştırdıq. Häm çit il basmalarında bezneñ uquçılar belän äñgämälär basıldı.

“Qazan” milli mädäniät üzägendä uzğan bäygedä ciñüçe qız-yegetlär aprel' ayında finalda qatnaşaçaq. Ä anda berençelekne yaulağan keşe Sankt Peterburgta yullama belän büläklänä.

Al'bina Zäynulla

XS
SM
MD
LG