Accessibility links

Кайнар хәбәр

Tatar matbuğatın zur türälär uqımı?


«Intertat» elektron gäziteneñ tatar redaksiäse «Zamança mäğlümat qırında tatar jurnalistikası» digän temağa tügäräk östäl söyläşüen uzdırdı. Bu çara, xalıqara tuğan tel köne uñayınnan oyıştırılğan ide. Tatar matbuğatı häm anıñ torışına bağışlanğan tügäräk östäl söyläşüendä, «Azatlıq» radiosınıñ Qazan bülege başlığı Rimzil Wäli, «Watanım Tatarstan» gäzite baş möxärrire Minnäzim Säfärov, jurnalistika fakul’tetı uqtıuçıları İldar Nizamov, Rezidä Zäyni, Eçke eşlär ministrlığı, Däwlät Şurası matbuğat üzäge xezmätkäläre Älfiä Safina, Çulpan Äxmätova, Däwlät Şurası milli mäsälälär komitetı başlığı deputat Razil Wäliev, xoquq belgeçe, advokat Rudolf Kärimullin, xokumätneñ tellärne üsterü bülege xezmätkäre Firaya Şäyhieva häm başqalar qatnaştı. Söyläşüdä, tatar gäzitläreneñ urıs telle basmalar belän çağıştırğanda taralu dairäse dä taraq, sıyfat yağınnan da, alar qaytışraq digän ğäyepläwlär astında nigez barmı? Uramdağı kitap, gäzit, jurnal kibetlärendä tatar matbuğatı satılamı, däwlät oyışmaları jurnalistlarğa mäğlümatnı 2 däwlät telendä, ällä urısça ğına biräme häm qanun belän tatar jurnalsitları yaqlanğanmı häm başqa temalar tikşerelde. «Watanım Tatarstan» gäzite baş möxärrire Minnazim Säfärov, gäzitlär bik küp, ämma alarnıñ bik äze tatar uquçısına yünältelgän, tatarça fiker yörtergä oyrätä torğan basmalar tügel alar, dip belgäp ütte. Anıñ fikerençä, küp oçraqlarda gäzitlärdä inde başqa cirdä aldaraq basılğan, tärcemä itelgän mäğlümat bula, şulay itep, bez uquçılarnı tatarça uqımasqa oyrätäbez, di ul. Däwlät şurasınıñ milli mäsälälär komitetı başlığı Razil Wäliev fikerençä, tatar matbuğatınıñ fiker yörtü dairäsen, yazu ostalığın almağanda, tatar basmalarına citäkçelärneñ iğtibarı yuq däräcäsendä, türälär tatarça gäzitlärne uqımıy, dip äytä Razil Wäliev. Tänqitlägändä uqıylar, tärcemä itep bulsa da uqıylar, maqtağanda da bik uqıymılar, kübräk maqtarğa bula ide, dip uylıylardır axrısı, dide deputat. Ul şulay uq, tatar gäzit xäbärçelärenä äñgämä ütkärü, tirän analiz yasaw ostalığı citmi. Tatarça gäzit xezmätkärläre, däwlät oyışmalarınnan räsmi sannarnı, belderülärne, nindi bulsa başqa mäğlümatnı alıp eşli. Yış qına matbuğat öçen äzerlängän yazmalar urısça ğına bula. Xäbärçelär,bu söyläşüdä, däwlät oyışmaları mäğlümat äzerlägändä, ike teldä dä, häm tigez külämdä bu eşne eşlärgä tieşme, digän sorawnı quydı. Tügäräk östäl söyläşüendä qatnaşqan advokat Kärimullin Rudolf äfände, ike teldä dä birelergä tieş, ul qanunda qaralğan, dip cawap birde. Däwlät Şurası matbuğat üzäge xezmätkäre Çulpan Äxmätova, qayber oçraqta, oyıştıru dokumentlar urısça ğına gäzitlärgä tarala, çönki tärcemä itep ölgerep bulmıy, dide ul. Ämma parlamentnıñ räsmi möräcäğätläre, qotlawları räslanıp, tärcemä itelep, 2 teldä dä dönyağa tarala, dip xäbär itte Çulpan xanım. Tüğäräk östäldä söyläşüçelär, qanunnar bar, eşläp citkerelmi, xoquqlar birelgän, ämma alar belän faydalanmıylar, telne däwlät däräcäsenä kütärü eşen üzebezdän başlarğa kiräk, tatar matbuğatın xörmät itüne üzebezgä dä taläp itärgä kiräk, digän ruxtağı fikerlär belderdelär.

Bikä Timerova.

XS
SM
MD
LG