Accessibility links

пәнҗешәмбе, 8 декабрь 2016, Казан вакыты 12:57

Qazaxstan oppozitsiä citäkçese Altınbäk Sarsenbayevnı ütertüdä Senat idaräse başlığı ğäyeplänä


Qazaxstan eçke eşlär ministrı Baurcan Möxämmätcanov oppozitsiä citäkçese Altınbäk Sarsenbayevnı üterüne Senat idaräse başlığı Erjan Utembayev oyıştırğan dide. Möxämmätcanov äytüençä, uzğan çärşämbedä qulğa alınğan Utembayev Sarsembayevnı üterergä quşuın tanığan. "Üterergä Senat idaräse başlığı quşqan. Sarsenbayev ber ilküläm gazetta Utembayevnı yaman itep sürätläwçe mäqälä bastırğannan soñ alarnıñ mönäsäbätläre kisäk naçarayıp kitä. Ul mäqälä basılğannan soñ Utembayevnıñ karyerası, üze äytüençä, tübängä tägäri. Monıñ öçen ul Sarsenbayevnı ğäyepli häm küptännän anıñ öçen üç alırğa telägän bula" dide Möxämmätcanov. Çın aq yul partiäse räistäşe Sarsenbayev, anıñ tän saqçısı häm maşina yörtüçese atıp üterelgän xäldä 13-nçe fevral'dä Almata yanında tabılğan ide. Partiä citäkçelärennän berse äytüençä, Utembayev üterergä färman birü öçen artıq köçsez keşe häm bu üterü ğadi üterü buludan bigräk, başqalarnı qurqıtu öçen qılınğan bulırğa oxşıy.

XS
SM
MD
LG