24 fevral'dä Rusiä xokkeyçılarnıñ finnärgä ciñelüen tatarstanlılar da bik borçılıp küzätep bardı. Ä Buada yäşäwçe Rawil Sämirxanov digän keşe watandaş sportçılarnıñ ciñelüen belgäç, yöräk öyänägennän wafat bulğan.
56 yäşlek mexanik yuğarı qan basımı belän integep daimi räweştä darular qullanğan. Rusiä xokkeyçılarnıñ finnär belän oçraşu matçın qarap barğanda Rawil Sämirxanovnıñ kinät yöräge çänçi başlağan. Ämma uyın belän ul üz xaläte, sälämätlege turında onıtıp, xätta öyänäkneñ yaqınlaşuın da sizmi qalğan. Ä tön urtasında tüzälmaslıq awırtudan uyanıp can birgän. Anıñ xatını Fäwziä, qızı häm ulı aşığıç yärdäm maşinasın xätta çaqırtırğa da ölgermi qalğan. Bu xaqta ber tatar keşese bolay dip söyläde:
Bu keşene bik cäl inde. Min anı añlıym, Sovetlar berlege çorında üskän ul, patriot. Bügenge yäşlär şundıy mikän? Menä xokkeyçılar da Rawil Sämirxanov kebek watanı öçen qayğırsa, möğayın ciñärlär ide. Bügen bit iñ berençe urında aqça tora, patriotizm tügel. Şuña kürä bolel'şçiklar uynawçılarğa qarağanda moral' yaqtan östäräk tora. Tağın şunı äytäse kilä - bezneñ tatar yegetlärebez üz milläte öçen dä şulay qayğırtsınnar ide.Tağın berniçä ğadi xalıq fikere:
-Nik min üzem dä ülä yazdım! Yörägem ällä nişläp kitte şunda. Finnarnı ciñärgä tieş ide bit beznekelär, belmim nigä şulay bulğandır. Böten canıñ, täneñ belän yaratqan komanda öçen borçılıp utırsañ, çınlap ta ülärgä dä ozaq tügel inde. -Äy, här närsägä şulay waqlanıp, borçılıp utırsañ yäşärgä dä tügel bu dönyada! -Xätta keşe ülärlek däräcägä citkäç, beznekelär çınlap ta naçar uynağan inde.
Al'bina Zäynulla
