Çeçnyänıñ Mäskäw yaqlı xökümäte başlığı Sergey Abramov wazifasınnan kitte. Çeçnyä prezidentı Alu Alxanov Mäskäwdä, curnalistlarğa, Abramov bıltırğı yul qazasınnan soñ sälämätlege naçar bulu säbäple, kitärgä mäcbür dide. Alxanov anıñ urının kem alaçağın äytmäde.
Alu Alxanov “Bulaçaq premer ministr turında älegä söyläşergä telämäs idem. Çönki ğärizänı Sergey Borisowiç bügen genä birde. Bu turıda äle söyläşäse bar. Anıñ sälämätlege belän Çeçnyäda eşläw awır bulaçağın añlıym, şuña kürä dä ul bu qararğa kilgänder, dide Çeçnyä prezidentı Alu Alxanov.”
Xäbärçelär fikrençä, Abramov urınına, anıñ bıltırğı yul qazasınnan soñ, premer ministr wazifaların başqarıp kilgän Ramzan Qadıyrov täğdim itelergä mömkin.
