Accessibility links

шимбә, 3 декабрь 2016, Казан вакыты 14:48

Tatarstannıñ üz poçtası saqlanıp qalırmı?


Bu könnrädä «Tatarstan poçtası» oyışması, Muca Cälilneñ 100 yıllığı uñayınnan, üzeneñ tarixı kürgäzmäsen yañarttı, şağirneñ 100 yıllığına bağışlğanğan markanı, konvertlarnı kiñ cämäğätçelkkä täqdim itte. 21nçe fevral, xalıqara tuğan tel köne uñayınnan, tatar telendä xezmät kürsätüdä xezmätkärlär arasında yarış ütkärde. Xat yulawçılar häm gäzit xemzätkärläre dä poçta xezmätlären başqa säbäplär belän iskä ala. Rusiä häm Tatarstan poçtaları arasında nizag däwam itä. Belgeçlär añlatqança, mäsälä xoquqi bäxästän, iktisadi häm säyäsi yasıllıqa küçä bara.

«Watanım Tatarstan» gäzite, satuda konvertlar yuq, Tatarstannan çitkä xat cibärep bulmıy mällä?», digän sorawlar belän xäbär bastırdı bu könnärdä. Süz, Rusiä häm BDB illärenä ciberelüçe xatlar öçen marka häm konvetlarnıñ satudan yuqqa çığuı turında bara. Bezlägengezçä, Tatarstan eçendä tarala torğan xatlar öçen ber törle konvert kiräk, respublika çitenä kitüçelär öçen konvertka marka yabıştırığa yäki başqa konvert satıp alırğa kiräk. Watanım Tatarstan gäzitenä, Ukraina häm Kazaxstandağı tuğannar belän xat alışuçı apa şaltıratıp, inde xat alışu mömkinelge dä beterelde mikän, dip sorağan bulğan. Gäzit xäbärçese dä, ber niçä kön elek, konvert häm markalarnıñ qayada yuqqa çuğuın beleşep qarağan. Häm axırdan, monda Rusiä häm Tatarstan poçtaları arasındağı bäxäs säbäpçe bulğan, digän näticäğä kilgän. «Tatarstan poçtası» matbuğat särtkätibe Tatyana Enkova, markalarnıñ betep aluı turındağı mäğlümatnı rasladı, ämma bu, waqıtılıça bulğan xäl häm ber niçek tä, ike poçta arasındağı mönäsäbätlärgä bäyle tügel, dip añlattı.

Küptän tügel, Rossiä poçtasınıñ yazılu kotalogına, qayber Tatartsan gäzitläre kermiçä qaldı. Näticädä, «Watanım Tatarstan» gäzite çittäge tatar uquçıların yuğalttı. Tatar gäzitlären ezlägän çittäge millätäşlär, bu häm başqa basmalarnı Rusiä gäzitläre isemlegenä taba almadı. Busı da, ike yaqlı añlaşılmawçanlıq belän bäyle tügel dilär. Küptän tügel, Mäskäwdä, «Tatartstan poçtası»n xosusyılaştıru qararı qanunlımı, qanunsızmı, digän mäsälä belän Arbitraj mäxkmä utırışı

bulğan. Qarar qabul itelmägän, mäsäläne qaraw 17 martqa qädär kiçekterelgän. Ä bu waqıt eçendä, mäxkämä tarafınnan Tatarstan häm Rusiä poçtalarına urtaq ber kileşügä kilergä quşılğan. Bu xaqta bezgä, «Tatarstan poçtası» oyışmasınıñ xoquqçısı Yuldaş Musin äytte. Anıñ äytüenä qarağanda, älege kileşüdä, «Rusiä poçtası»na aksiälär paketın birü turında süz baraçaq. «Tatarstan poçtası»nıñ tabışları belän büleşü, binalarnı birü küz aldında totılmıy, dide xoquqçı. Tatarstan elemtä Ministrı Färit Fazılcanovnıñ çığışlarında, Federal elemtä ağentlı

belän kilüşeşü äzerlänüen raslana. Federal elemtä ağentlıq başlığı Andrey Beskorovaynıynıñ matbuğat üzäge dä, federal çinovniknıñ qaraşın belderä. Ul, böten Rusiä cirendä berdäm poçta operatorı eşlärğä tieş, digän fikerdä tora. Anıñ belderüenä, respublika cirendä Rusiä Federatsiäse häm Tatarstan xalqınıñ mänfäğätläre yaqlanğan oçqarta ğına ike yaqlı kileşü mömkin bulaçaq, dip äytelä. Ägär Arbitraj mäxkämä, «Tatarstan poçtası»nıñ xosusılaştırıluı qanunsız bulğan, digän qararçığara ikän, ul Açıq aksionerlıq cämğitättän, däwlät unitar oyışmağa äwerelä. Bu xaqta tatar-inform ağentlığına, Tatarstan milek ministrı urınbasarı Tatyana Yuşkantova xäbär itkän bulğan. Näticädä, xat taratu wazifası, federal qanun belän «Rusiä poçtası» qaramağına küçäçäk, di ministr urınbasarı.

Elemtä federal ağentlığınıñ internet säxifäse xäbär itkänçä, töbäklärdäge poçtalarnı ber qanat astına cıyu bar Rusiä buylap bara. Küptän tügel, «Rusiä poçta» oyışmasına Mäskäw, Piterbur häm şul ölkälärneñ poçtaları kergän.

Bikä Timerova.



XS
SM
MD
LG