Accessibility links

Bush kötmägändä Äfğanstanğa kilde


Kabul – AQŞ prezidentı Georeg Bush Äl-Qaidä citäkçese Ben Laden, biş yıl eçendä totılmasa da, axır çiktä mäxkämä qarşına basaçaq digän ışanıçın belderde. Bush Kabulda Afğan prezidentı Xämit Qarzai belän söyläşülärdän soñ, jurnalistlar belän oçraşu ütkärde. AQŞ prezidentı amerikan köçläre häm alarnıñ berektäşläre Äfğan häm Paqstan ğäskärläre belän bergä, Ben Ladennı ezli, dide. "Äl-Qaidäne yuq itüdä alğa kiteş bar. Aqrın, ämmä ışanıçlı räweştä bez alarnı cawapqa tartabız häm bezneñ totrıqlı tärräqiat näticäsendä dönya yaxşıra bara", dide Bush. Ul şulay uq, Afğanıstan xalqınıñ tärräqiate belän ğorurlanuın belderde.

Bush, İranğa atom qoralına iä bulu mömkinlege birelmäskä tieş dide. Şul uq waqıtta ul, İranğa sivil atom programması buldıru mömkinlege röxsät itelergä tieş dide. Bushnıñ bügenge Äfğanıstan säfäre aldan iğlan itelmägän ide. Könyaq Aziä säfären AQŞ prezidentı Hindstanda däwam itä.
XS
SM
MD
LG