Accessibility links

җомга, 9 декабрь 2016, Казан вакыты 06:56

Grajdanlıq aktın terkäw eşe üzgärä


Grajdanlıq aktların terkäw idäräse -ZAGSnıñ yıllıq cıyılışı yaña binada uzdı. Ul 2005 yılnıñ dekaberendä ğına açılğan ide. Soñğı yıllarda Grajdanlıq aktların terkäw binaların açu rayon cirleklärendä dä artqan. Utırışta Qama Tamağı, Teläçe häm başqa rayonnar bilgeläp uzıldı. Terkäw binaları belän ber rättän nikaxlaşuçılar, yäğni räsmi terkälep yäşäwçelär sanı da 2004 yıl belän çağıştırğanda 10 protsentqa kübäygän häm barlığı 27 meñ tiräse keşe ğailä qorıp cibärgän. Bu xaqta ZAGS idäräse citäkçese Flyura İldarxanova

Terkälüçelär cäy könne kübäyä, läkin 2 nikaxqa ber ayırılışu turı kilä.

Respublikada uzğan yılda 14 meñnän artıq ayırılışuçı terkälgän. Bu yäşlärneñ ğailä qorırğa äzer bulmawınnan kilä dielä. Xäzer respublikada räsmi terkälmiçä yäşäwçelär dä arta.

Balalar tuu sanı da 2004 yıl belän çağıştırğanda 5 protsent tiräsenä kimegän, ämma şul uq waqıtta 3-4нче balaların tabuçı ğailälär artqan. Kollegiädä bilgeläp uzılğança, bıyıl Tatarstanda 37 meñnän artıq keşe tuğan, şul uq waqıtta 52 meñ ülgän. Ayıruça Spass, Minzälä, Apas, Tuqay rayonnarında ülüçelär sanı kübäygän.

ZAGS eşçänlegenä uzğan yıl 53 million sumnan artıq aqça bülenep birelsä, bıyıl ul 74 millionnan artıp kitkän. Kollegiä utırışında älege aqçanıñ kübese şähär häm rayon jirle üzidarälärenä birelüe äytelde. Grajdanlıq aktları terkäw yañalıqları turında kollegiädä qatnaşqan Tatarstan Ministrlar Kabinetınıñ däwlät xakimiäte häm cirle üzidarä başqarma orğannarı belän eşne caylaw bülege citäkçese Änäs İsxakov

Xäzer yaña qanun nigezendä, barlıq grajdanlıq aktların terkäw awıllarda başqarılaçaq. Xalıqqa dokumentlarnı tutıru öçen rayon yäki şähär üzägenä barırğa kiräk bulmayaçaq. Bu eşne ciñeläytä.

Ägär elek 52 cirdä genä grajdanlıq aktın terkäp bulsa, xäzer ul 999 cirle üzidarä orğannarında başqarılaçaq. Şul nisbättän mäğlümatnı tuplawğa da zurraq iğtibar birelergä tieş bula. Böten ülü, tuu, nikaxlaşuçılarnıñ terkälüläre berdäm elektron arxivta cıyılaçaq.

Soñğı yıllarda nikaxlaşuçılar sanı artsa da, ayırılışıp tulı bulmağan ğailälär dä kübäyä. Şul nisbättän, Tatar däwlät gumanitar-pedagogiqa universitetı qarşında ğailä häm demografiä buyınça fänni-tikşerenü institutı buldırırğa kiräklege äytelde.

Landış Xarrasova

XS
SM
MD
LG