Accessibility links

җомга, 9 декабрь 2016, Казан вакыты 20:17

Cülärlänügä yaz da “yärdäm” itä


Belgeçlär äytüençä, näq menä yaz başında cülärlärneñ awırtuı köçäyä. Monı biologik faktorlar belän añlatalar. Yaqtı könneñ ozınayuı häm qoyaşnıñ aktivlığı artuı nerv sistemasınıñ sizgerlegen köçäytä. Näticädä garmonal' protsesslar aktivlaşa häm qıştan soñ vitaminğa moxtaclıq kiçergän keşe organizmı törle awırularğa bireşä başlıy. Bigräk tä xronik awırular köçäyä bu waqıtta. Şul isäptä psixik awıruları da.

Cülärlänü öçen töp säbäp isä ul psixik tetränülär. Kiläçäk öçen qurqu, awır iqtisadi xäl, terakt, suğışlar keşeneñ psixikasına zur yoğıntı yasıy. Şunlıqtan “ıçqınğannar” sanı artuğa ber dä aptırarğa kiräkmi. Kön tuğan sayın küpme “qara” yañalıq kötep tora. Qaydadır närsäder şartlatqannar, kemneder ütergännär, köçlägännär. Ber kön eçendä 3сум 50тиенлек toz 25 sumğa kütärelep quysa, 18сумлык şikär qomın 40сумга satıp ala başlasañ, ğäcäplänmi nişlärseñ. Ä menä şul ğäcäplänü, qanägätsezleklär nerv sistemasına zıyan sala. Keşe bügen yaxşı tormış artınnan qua, köne-töne eşli, bulsın dip borçıla, qayadır aşığa. Waqıtında yal itä belmäw - cülärlekkä turı yul inde ul. Bügen Rusiädäge här dürtençe keşe psixiatr yärdämenä moxtac.

Mediklar il külämendä balalar tilerä başladı dip çañ suğa. Bügen Rusiä balalarınıñ yartısı diärlek aqılğa say. Alar arasında tumıştan awıru bulıp tuuçılar da, nindider psixik travma kiçerüçelär dä bar.

Döres, xalıqnıñ awışuına il-kön tormışı, bäyälär genä dä ğayıple tügel. Belgeçlär fikerençä, äledän-äle üzgärep torğan hawa torışı sälämätlekkä, şulay uq nerv sistemasına zur zıyan sala.

Borçılu, açulanu, agressivlıq keşeneñ üz üzenä häm yanındağı keşelärenä dä yunälderelgän bulırğa mömkin. Depressiägä kermäs öçen mediklar eş häm yal rejimın ütärgä kiñäş itä. Ğailä, eş, sportqa qızıqsınuı zur bulğan keşelär dä psixik awırularğa bik bireşmi.

Tatarstanda bügen 96meñ psixik awıru terkälgän. Soñğı könnärdä Tatarstan xastaxanälärendä psixik awırular sanı şaqtıy artqan. Yaqın kiläçäktä respublikanıñ psixiatriä şifaxanäse Därwişlär bistäsenä küçärgä tieş, bistädäge normal' keşelär öçen berdänber şifaxanä isä başqa cirgä küçereläçäk.

Al'bina Zäynulla

XS
SM
MD
LG