Accessibility links

якшәмбе, 4 декабрь 2016, Казан вакыты 17:23

Tatarstanlılar Gorbaçevnı xäterlime?


2 mart köne üzeneñ tuğan könen SSSRnıñ berençe häm soñğı prezidentı Mixail Gorbaçev ta bilgeläp ütä. Aña bıyıl 75 yäş tuldı. Tatarstanlılar älege şäxesne xäterlime, alarğa Mixail Gorbaçevqa nindi mönäsäbättä tora.

Şäxsän min üzem 1986 yılda tuğan keşe Ölkännär söyläwe buyınça Gorbaçev üzgärtep qoru çorın yasadı, xalıq äytüençä ul alarnıñ añın açqan, yañaça fikerlärgä öyrätkän, demokratiä, süz irege aldıq dip yana. Minemçä, demokratiä bezneñ ildä ul üzençälekle demokratiä, ul Amerikadağı kebek demokratiä bula almıy. Demokratiäne qarağanda, minemçä här xalıqnıñ kul'tura üzençäleklären isäpkä alırğa kiräk.

Gorbaçev turında minem bernindi dä fikerem yuq, çönki min anı ütkän zaman dip sanıym. Xäzerge zamanda bez Putin häm Şäymievnı küzätergä tieş.

Äybät keşe ide, ber keşene timiçä, keşegä süz äytmiçä äxlaqlı keşe buldı.

Ul iñ berençe bulıp üzgärtep qoru çorın başladı, ägär dä inde ul bulmağan bulsa, üzgärtep qoru soñraq bulır ide. Miña anda bik söyläwe genä oşamıy ide. Ä bolay anıñ uñay yaqları tiskäre yaqlarına qarağanda kübräk.

Xakimiätkä kilde, xakimiättä tordı, annarı kitte. Andıy keşelär yazmışları alarnıñ ber – bersenä bik oxşağan. Bolarnıqı şular belän genä ayırılıp tora, Yel'sin belän Gorbaçev ülgänçe kittelär. Başqalar bit ülmiçä kitmi ide. SSSR tarqalunı küplär uñışqa sanıylar, Gorbaçev yaña däwerne başlap cibärde, ämma läkin bu däwerdän berkemgä dä räxätlek kilmäde.

Gorbaçev ul SSSRnıñ başlığı bulğan, läkin anıñ säyäsäte turında ğomumän ber närsä dä belmim dip äytep bula.

Gölnaz Şäyxetdin

XS
SM
MD
LG