Accessibility links

Şäymiev Rusiäneñ cirle idärälären tänqitläde


Comğanıñ Tatarstan öçen töp säyäsi waqiğası ul da bulsa, Prezident Şäymievnıñ yıllıq yullaması belän çığış yasawı buldı. Respublikanıñ räsmi matbuğat çaraları bu waqiğanı berniçä kön aldan reklamlap tordılar. Däwlät Sovetı sessiäläre tarixında, comğadağısı iñ qısqası bulğandır, möğayın. Näq menä respublika parlamentı deputatları häm çaqırılğan qunaqlar aldında, prezident uzğan yılğa näticälär yasap, ağımdağısında başqarılaçaq eşlärgä yul kürsätte. Yıllıq yullama, mädäniätle illärdä kiñ taralğan adım. İl başı Amerika bulsınmı, könbatış illärendä bulsınmı, yıllıq yullama belän çığa. Berniçä yıl inde, bu ğädät Rusiädä häm Tatarstanda da ğämäldä.

Tatarstan parlamentı deputatları aldında prezident çığış yasap, şaqtıy küp mä’sälälärne kütärde. Ayırım alğanda, mäsälän, respublikada tatar telen üsterü häm milli mädäniätne saqlaw kebek problemnar kön qadağı bulıp tora, alarnı kisken räweştä uñay yaqqa xäl itäse bar dip belderde. Respublika räsmiläre, tatar tele turında söylilär ul anısı. Tik urısça. Bu oçraqta da şulay buldı. Monnan tış, Prezident Respublikadağı federal' üzäk orğannarınıñ eşen tänqitläde. Mäskäw qaramağında bulğan terkäw palatasına bik qatı eläkte. Bu oyışmanıñ eşçänlegennän bik küplär razıy tügel dip belderde. Palata citäkçese Kuz'minağa, sez bit xatın qız, nişläp xalıqnı yällämisez, anda bit şul qädär çiratlar torıp integä xalıq dide. Kuzmina, bu waqıtta torıp bastı. Prezident anı yañadan urınına utırttı. Sez äle, torıp basıp söyläşerlek tügel dide. Rusiäneñ ber strukturası bulğan Tatarstan terkäw palatasında, may bäyrämnärennän soñ, üzem, berniçä deputat belän terkälergä baram dip tä söyläde Şäymiev. Yäğni, xälne tizräk yaxşırtığız mäğnäsendä. Yaxşırğanlığın üzebezneñ cilkädä tikşeräbez yänäse. Monnan tış, prezident, şulay uq, Rusiä qanatı astında bulğan mäxkämä eşçänlegen dä tänqitläde.

Räfis Cämdixan

XS
SM
MD
LG