Accessibility links

дүшәмбе, 5 декабрь 2016, Казан вакыты 01:32

Qıtay xalıq kongressı yıllıq qorıltayğa cıyıldı


3 meñläp wäkil premyer ministrı Wen Jiabao çığışın alqışlar belän xupladı. Premyer ministr bıyıl il iqtisadı 8 protsentqa häm aldağı 4 yılda yıl sayın urtaça 7 yarım protsentqa üsäçäk dide. Jiabao awıl xalqına häm fermerlarğa östämä aqçalar wäğdä itte. Qıtaynıñ awıl xalqı 800 millionlap isäplänä. Yaña sotsialist awıl cuxalığı qoru möhim tarixi burıç dide Wen."İlneñ iqtisadıy näticälären öyrängändä iqtisadıy häm sotsial tormıştağı küp kenä qıyınlıqlarnı, problemalarnı da açıq kürergä kiräk. Küptännän cıyılıp kilgän awır problemalarnı töptän çişäse bar, qalqıp çıqqan yaña problemalarğa da küz yomarğa yaramıy" dide premyer ministr.

Anıñ äytüençä, bıyıl xökümät awıl xucalığın kütärü öçen 42 milliard dollar totarğa cıyına. Awıl cirendä sotsial xezmätlärgä dä milliardlarça dollar bireläçäk. Premyer awıl xucalığına zurraq iğtibar birü ilneñ iqtisadıy säyäsätendä iñ zur üzgäreşlär buluın añlata dide.

Wen şulay uq Qıtay üzeneñ ber öleşe dip sanağan bäxäsle Taiwan mäs''äläsenä dä tuqtaldı häm Qıtay Taiwannıñ bäysezlekkä omtılışına berşartsız qarşı bulaçaq dide."Taiwannı qitğadağı Qıtay belän berläşterü barlıq qıtay xalqınıñ urtaq teläge häm monı berkem dä tuqtata almıy" dide premyer minsitr.

Wennıñ 2 säğät däwam itkän çığışı Taiwan turında şundıy belderülär belän tämamlandı häm anıñ bu süzläre qorıltay wäkilläreneñ iñ köçle alqışları belän xuplandı.

Qıtay Taywannı äle dä üzeneñ ber öleşe dip sanıy häm anı kiräk bulsa köç belän dä qaytarırğa äzerlegen belderä. 1949-nçı yılda millätçe köçlär komunistlarğa ciñelep utrawğa qaçqaç Qıtay beläm Taiwan ayırıldı.

Naif Aqmal, Praga.
XS
SM
MD
LG