Accessibility links

якшәмбе, 4 декабрь 2016, Казан вакыты 11:19

Tähran atom tikşerenülären tuqtamıyaçağın belderä


İran üzeneñ atom mäs'äläse BMO İminlek Şurasında qaralğan oçraqta da atom tikşerenülären tuqtatmayaçağın belderde. Atom söyläşülärendä İran törkemen citäkläwçe Ali Laricani Tähranda xäbärçelärgä ul çaqta İran uran bayıtunı tulı köçenä cigäçäk dide. "Tikşerenü häm tärräqiät İrannıñ däwlät mänfäğäte. Häm İran ul mäs'älädä çigenmiäçäk. Alar İran mäs'äläsen İminlek Şurasına tapşıru belän zur uñışqa ireşäbez dip uylamasın. Alar üzläre öçen problemalar çığaraçaq" dide Laricani. Aña qädär İran tışqı eşlär ministrlığı süzçese Xämit Riza Asefi BMOnıñ Xalıqara atom energiä idaräsen säyäsi tügel ä professional eş itärä çaqırdı. İrtägä Venada Xalıqara Atom energiä idaräse şurası İran mäs'äläsen BMO İminlek Şurasına tapşıru mäs'äläsen qaraw öçen utırışqa cıyıla. İran üzenä belderelgän atom qoralı yasaw niäte turındağı şiklänülärne kire qağa.

XS
SM
MD
LG