Accessibility links

Кайнар хәбәр

“Berdäm Rusiä” xalıqnı ürçetä


Demografik problemağa bağışlanğan cıyın bu könnärdä “Berdäm Rusiä” firqäseneñ Tatarstan bülege başqarma komitetında uzdı. Älege çara “Berdäm Rossiä” häm “LDPR” partiäläre wäkilläre, belgeçlär, qunaqlar häm tamaşaçılar qatnaşındağı tok-şounı xäterlätte. “Berdäm Rusiä” firqäseneñ Tatarstan bülege citäkçese Färit Möxämmätşin bäxäsne başlap, partiä cämğiättäge küp problemalarnı xäl itü yulların ezli dide. Ul demografik xälneñ bik kisken buluın, bügen Rusiä häm Tatarstannıñ zur predpriätieläre eşçe köçlärgä qıtlıq kiçerüen äytte. Firqä citäkçese şundıy sannar da kiterde - ildäge ğailälärneñ 54%da 1бала, 37%da 2бала häm 9% ğına 3 häm annan kübräk bala tärbiälänä. F.Möxämmätşin fikerençä, demografik problemanı zakonnar nigezendä häm cämäğätçelek däräcäsendä xäl itärgä kiräk.

Tatarstannıñ Däwlät Şurası deputatı Şamil Qaratay il külämendäge “Sälämätlek”, “Mäğärif”, “Awıl xucalı”, “Toraq” proyektların tormışqa aşıru demografik xälne dä yaxşırtırğa tieş dide. Bäxäs barışında yañğırağan demografik xälgä qağılışlı räsmi sannar teträndererlek ide. Rusiädä yäşäwçe ir-atlarnıñ urtaça ğömer ozınlığı 58 yäş. İldä yaña tuğan meñ balanıñ unöçe ülep bara. Şul uq waqıtta Rusiä bala töşerü sanı buyınça da dönyada iñ aldınğı urında isäplänä.

“LDPR”nıñ Tatarstan bülege koordinatorı Nikolay Uraev naçar demografik xälneñ säbäbe xäyerçelek, äxlaqi häm ruxi tärbiäsezlektä dide. Demografik xäl turında ğadi xalıq närsä uylıy? Anıñ säbäplären närsädä kürä?

-Böten närsä dä şul aqçağa terälep qala inde. Menä mindä ike malay. Alarğa aşarğa kön sayın härbersenä 72 sum tülim, qarateğa 350 sumğa yörilär. Aşarğa, kienergä kiräk. Bäyälär qimmät, ä eş xaqı şulay uq tübän bulıp qala.

-Bügen bit xatın-qızlar da, ir-atlar da bik küp eşli, alarnıñ balağa waqıtı da qalmıy. Şuña kürä bik ürçemilär dä inde.

-Bez Allağa şöker yäşibez dibez dä, ä bit bik naçar yäşibez. Tuqlanu bik naçar, şuña änä çat sayın aptekalar. Bezdä bit xäzer urmannarğa qarağanda zıyratlar kübräk. Şuña kürä aqılsızlıq inde ul küp bala tabu.

Problemanıñ buluın firqä wäkilläre tanıy, ämma ğämäldä anı xäl itü öçen äle berni eşlänmägän.

Balanı tapmaw yäki az tabu probleması ğına tügel, ä tuğan balalar da qayçaq iğtibardan çittä qala. Bügen balalar yortlarında 1400gä yaqın bala tärbiälänä. 450 yätim çit ğailälärdä üsä. Döres, kübeseneñ ata-anası isän bulsa da. Bügen Tatarstan Xökümäte tärbiägä alınğan balalarğa posobie külämen arttıru turında qarar äzerli. Bu xaqta sişämbedä “Tatmediä” agentlığında uzğan matbuğat oçraşuında xäbär itelde. Älege qarar nigezendä mäktäpkäçä yäştäge balalar 1900 sum urınına 3900 sum, mäktäp uquçıları 4500сумлык posobie alaçaq.

Al'bina Zäynulla



XS
SM
MD
LG