Accessibility links

дүшәмбе, 5 декабрь 2016, Казан вакыты 03:31

İrannıñ atom proğrammasın tikşerü däwam itä


İran prezidentı Mäxmüt Äxmädinecät, 2003 yıldan birle atom proğrammasın qullanunı tıyu bäräbärenä, xalıqara atom energiäse ağentlığın, Tähranğa aqça tülärgä çaqırdı. İran telewideniesennän çığış yasağan prezident, bu xäl milli fän häm iktisadqa zarar kiterde, dip belderde.Xalıqara atom energiäse ağentlığı ikençe kön inde, Wenada İrannıñ atom proğramması tiräsendäge wazgiätne tikşerä. Xalıqara atom energiäse ağentlığı başlığı Möxämmät El- Baradey, şuşı könnärdä İran belän kileşügä kiläçäkläre xaqında ömeten beldergän ide. Şul uq waqıtta ul, monıñ öçen İrannıñ atom proğramması xaqında täfsilleräk mäğlümätlär kiräk bulaçaq dip äytte. AQŞ ,İrannıñ atom proğramması xaqında terkälgän doqumentlarnı, sanksiälär kerter öçen Berläşkän millätlär oyışmasınıñ iminlek şurasına birergä kiräk dip, basım yasıy. AQŞnıñ däwlät sekretare urınbasarı Niqalas Byorns, İran urannı bayıtu eşlären yañadan başlap, xätär çikne ütep kerde, dip belderde.

XS
SM
MD
LG