Accessibility links

Кайнар хәбәр

AQŞ-Rusiä mönäsäbätlärenä belgeçlär bäyä birä


Quşma Ştatlarda amerikän rusiä mönäsäbätläreneñ torışı turındağı xisap iğlan itelgän. Ul xisapnı xalıqara mönäsäbätlär şurası belgeçläre törkeme äzerlägän. Alar, ike il arasında strategik partnerlıq urınına köndäşlek kilde, dip näticä çığarğannar. Xisap autorları Rusiädä demoqratiäneñ betügä taba baruına, şulay uq Mäskäwneñ çit illärgä çığarıla torğan yağulıqnı, tışqı säyäsi basım qoralı itep qullanuğa häm Üzäk Aziädäge AQŞ, NATO xärbi bazaların qısırıqlap çığarırğa tırışularına borçılu belderä. Bu xaqta AQŞ däwlät departamentı wäkile Tom Keysi “Bez törleçä qaraşta bulğan mäslälär bar, şul uq waqıtta, minemçä, bez açıq häm dustanä mönäsäbättä dä söyläşä alabız. Älbättä, bezneñ qaraşqa problemnar bulğan dairälär xaqında, bez alğa taba da üzebezneñ borçılunı belderäçäkbez”, dide.
XS
SM
MD
LG